Hebreu 3:8 - Yálá laawoo hɛɓɛ (dc)

⁸ 'ka hvo ka kili walawala, yɛ ɲələi nuą di di kwɛli tee la, a ɲələi di kɛi Yálá hukɔɔn na, nɔi pun ɉu.

Yálá laawoo hɛɓɛ

⁸ 'ka hvo ka kili walawala, yɛ ɲələi nuą di di kwɛli tee la, a ɲələi di kɛi Yálá hukɔɔn na, nɔi pun ɉu.

Bible

⁸ káfe káa lii kpànaŋ yɛ̂ɛ berei ǹûai dí wɔ́lɔ gɛ̀ la a Ɣâla láa a zu-kɔɔŋ-tãi nyíi kɛ̀ vɛ̃ɛ-kpâlaŋ sui,

Hebreu 3:8 ပူးပေါင်းရင်းမြစ်များ

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Zôo 9:4

Nwɔ mɛ̨nį kɔ́lɔn ŋąą kɛnɛ̨i, da nwɔ huwalawala laa, gbɛɛ ɓə a pɛli tɔɔi na, yii hva mąą nu hutɔɔ?

Mąątɛ̨nɛ̨ 106:14

Di hvilɛn di liiɓa mɛ̨nįɠaa pulu, nɔi pun ɉu, di Yálá hu kɔ́ɔn nɔi pun ɉu.

Mąątɛ̨nɛ̨ 78:18

Di gili, diɛ gɛ, diɛ Yálá woo kwɛli, diɛ kɔ̨nɔ̨n ɉu hvɛli mą, diɛ mįi a di liiɓa pələ.

Mąątɛ̨nɛ̨ 78:56

Kɛlaa, di hvaa tee yələkɔlɔn ɉu Yálá ɓa, diɛ nwoo kwɛli, di hvo gɛ di hvo nwɔ tɔnŋaai mąąwiɛ.

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Maafîu 13:15

Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Dutɛrɔnome 6:16

Ka hvə kɛa tɔɔ Yai-Laa ka wɔ Yálái la, yɛ bələi ka gɛ la Masa.

Samuɛlə dɔlɔɔ 6:6

Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.