Hebreu 3:7 - Yálá laawoo hɛɓɛ (dc)

⁷ Yili ɓə gaa mą, yɛ pələi Kili-Mąąhəɠɛɛ ə mo la, yɛ mą: «Háákələi, ká Yálá laa woo mɛ̨n,

Yálá laawoo hɛɓɛ

⁷ Yili ɓə gaa mą, yɛ pələi Nįį-Mąąhəɠɛɛ ə mo la, yɛ mą: «Háákələi, ká Yálá laa woo mɛ̨n,

Bible

⁷ Mɛni ma yɛ̂ɛ berei M̀ɔlêŋ Maa Waai a mò la, nyɛɛi, “Sâa kà ŋ̀óo mɛ̀ni,

Hebreu 3:7 ပူးပေါင်းရင်းမြစ်များ

Samia Veerɛi 23:2

Yai-Laa nwɔ Kilii kaa hvaai nááləi, Vaa woo kaa ná.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 22:43

Jesus yɛ diɛ: «Ə kɛ pələ kɛ ləi, yai Davidə gili ŋą ponoi Yálá ə mo yɛ kɛ non ɉulɔnu ɓa ‹Námu›? Mąąhɔlɔɓo, ə kɛ mą:

Markə 12:36

Hvo gaai, Davidə kili ŋą ponoi Yálá ə mo, yɛ mą: «‹Yai-Laa ə mo nwɔ́ mɛ̨nį Ną́mu ɓa, yɛ mą: «Pa ə hee mamįiyee hu, ə lɛɛ la ɉu, ŋą ə́ yowoɠaa kəlee too ə́ kɔ́wɔ mu.»›

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.

Gɛlaɠaa 28:25

Di kɛɛ pai taɠai, di woo hvo ni kɛ laa li mą, ya ɓə Polə ə nwoo kpuɔi ŋɛ̨i ɓo diɛ, yɛ diɛ: «Tɛ̨ą ə kɛ Kili-Mąąhəɠɛɛ pɔ, ɓɛlɔwai ə kɛli mo la ka nąnni diɛ, gwəi mɛ̨nį hukulɔ mun Esai laaləi,

Gɛlaɠaa 8:29

Kili-Mąąhəɠɛɛ yɛ Filipə ɓa: «'Ə́ mąą lɛɠɛ nwotoloi ti ɓa.»

Hebreu 10:15

Dɛ̨ą ti ɓə Kili-Mąąhəɠɛɛ a kɛ nwɔ̨nɔ̨ nɛi guɔ. Mąąhɔlɔɓo, yii kɛa ə gbɛa mo, yɛ kɛ:

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Hebreu 3:15

Moɔi ŋɛ̨i nwɔ̨nɔ̨, yɛ mą: «Háákələi, ka Yálá laa woo mɛ̨n, ká hvo ka kili walawala, yɛ ɲələi nuą di di kwɛli tee la.»

Hebreu 4:7

Ə kuu nįnɛ̨ takpɛli tɔɔ, ya ɓaa a: háákələi; ə mo Davidə ŋą hɛɓɛ́i hu nąą ta, gwaa háá mo, yɛ mą: «Háákələi, ká Yálá laa woo mɛ̨n, 'ká hvo ká kili walawala.»

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.