Hebreu 13:17 - Yálá laawoo hɛɓɛ (dc)

¹⁷ Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Yálá laawoo hɛɓɛ

¹⁷ Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Bible

¹⁷ Ka kátuɛ-ƃelai wóo mɛni ká kɛ́ dímu. Kpɛ́ni fêi, díkaa kámɔ̂leŋ mɛi kâai yɛ̂ɛ ǹûai ƃe fɛ̂ɛ dí díkoraŋ ƃoi. Tɔɔ dí gɛ́ a lii-nɛ̃ɛ, dífe gɛ a lii-soli, kpɛ́ni fêi, à kɛ̀ da kɛ̀ a lii-soli, gɛ̀ ní káfe pâi mɛni lɛ́lɛɛ kulâi zu.

Hebreu 13:17 ပူးပေါင်းရင်းမြစ်များ

Zɛnɛse 16:9

Yai-Laa nwɔ malaka yɛ mą: «Pənə ə́ li, ə́ nąmu Sarai pɔ, ə́ ə́ kpɔɠɔmąąyɛɛ ɲee mu.

Lɛɛ gbɔwɔ ɓa 32:31

Moisə ə pənə ə li Yai-Laa pɔ, yɛ mą: «Nuąi ŋɛ̨i daa nɛ̨ŋɛ̨n gɛnɛ̨ həɠə, daa di kpɔɔ hali pɛli a hɛni.

Hanwon 5:13

Lə ɓə kɛ mą́ą́, yai və́ kɛ nwəli tɔɔ li gálamɔɔɠaa woo ɓa? Nuąi kɛi mą́ą́ kwɛli, və́ kɛ nwə́li tɔɔli di woo ɓa?

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Izikiɛ 33:2

«Hulɔnu lon, mɛ̨nį ɓo Israɛlə lonnii diɛ, yɛ́ diɛ: Lɔi ta a kɛ laa, ŋą́ gɛ diɛ kɔ́ pɛlɛ mąą lɔi tii ɓa, nɔi tii hu nuą da nu ta həɠə di lɔwai, diɛ gɛ a bələi mąąkpɛɛmun,

Lukə 16:2

Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 14:12

Yili ɓa, nu kəlee a tinąą di kwɛlanmo Yálá ɓa.

Korɛntə dɔlɔɔ 16:16

'Ká lɛɛ nu ɓɛlɛmąąɠaa tii woo mu, da nuąi kóló kɛi kee ɓa, di yee ə ɓo mɔ̨nɔ̨ tɔ̨nɔ̨ hu.

Ifisiɛŋ 5:21

'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Filipə 1:4

Yələ kəlee, ŋą́ hvɛli wooɠaa hu, vá lɛ̨ą káá, ɛlɛɛ, ŋą́ vɛliɓoi tii kɛ a gwə́inɛ̨ɛ̨.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Filipə 2:16

Káái ɓalo woo kaa ká yəi, ka kɛi túwɔ́ ti, gu Ną́mu pai lɔwai, ɲɛ̨́i a pono. Yili ɓə a nɛ yɛ, mɔ̨nɔ̨i ŋą́ mįi, da gólói ŋą́ gɛ, və́ gɛ li kpɛli.

Filipə 2:29

Yili ɓa a pa, ka naa kwiɛn a kwəinɛ̨ɛ̨ kɛnɛ̨ɛ̨ gu Ną́mu laa hu, ka gɔlɔn kaa diɛ nu ɲɔ̨nwɔ̨mąnŋaai ti ɓə, mąąnɛ̨ɛ̨ ka di mąąwiɛ.

Filipə 3:18

Ŋą́ą́ ta kɛ mo kaa, yiihu nwɔ̨nɔ̨ gáá moi kaa kpɔ a ɲɛ̨iyá wɔlɔ gɛ́ kaa: nu taɠaa kaa Kristə nwɔ kolɔwa mąą yowo laa túwɔ́ ɓoi.

Filipə 4:1

Yili ɓa tii, nąn nonnii, nwɛ́likɛmąą nuą, gáá kpɔ bɔ ŋą́ ɲɛ̨́i tɔɔ kaa, káái a nwɔ́ kwəinɛ̨ɛ̨ da nwɔ́ɔ́ ɲɛ̨i pono, 'ká tɔɔ kpɔ tii gbąą, gu Nąmu nwɛi hu, nwɛ́likɛmąą nuą.

Tɛsalonikə veelɛ 3:14

Akɛ mɛ̨nįi ku kaa moi ɉɛɓɛ́i ŋɛ̨i hu, nui awala lɛɛ nwoo mu, ká ká kili ɲą laa mą, ɛlɛɛ, ká diɛni ká hvo bɛlɛ gee ɓa mɛ̨nį kɛ, ə gɛ, ə nwumɛ̨;

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Hebreu 13:24

Nuąi da kɛ tɔɔi gbɔn ɲɛ̨i tɔwɔ, 'ká di kəlee di túwɔ́ɓo, ə pɛlɛ la Kristalɛa kəlee diɛ. Gu nąn nonnii di kaa a Itali, diɛ ká túwɔ́ɓo.

Hebreu 13:7

'Ká ká kili kɛ, nuąi Yálá laa woo laa həli káá, di hu; 'ká di wɔɔ yɛnɛ̨ɛ̨ ɲąąkpɛɛ pələ kaa, ɛlɛɛ, 'ká ká kɔɔn di wɔɔ laa na laa ɓa.

Zĩi 4:7

Ká ká kpɔwɔ mąąyɛɛ kani Yálá yee mu, ká tɔɔ nąnį la a ká hvaŋą, a pu, ə mąą kwɛaa káá.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Samuɛlə dɔlɔɔ 8:19

Kɛlaa, nuą di hvo gɛ di hvo di wəli tɔɔ Samuɛlə woo ɓa, diɛ mą: «Hvo pai kɛi tii, tɔɔmun mə ku kaa bɔ.