Hebreu 13:11 - Yálá laawoo hɛɓɛ (dc)

¹¹ Mąąhɔlɔɓo, daatɛlɛɛɠaai ɉaláá laa həli mun gɛnɛ̨ɛ̨ ə kɛli ɲąmą həɠə, yɛ lɔ la ɉəɠə pɛlɛ́ mu, yɛ nɛ̨ŋɛ̨nŋaa mąąhvaalɛɛ haláá kulɔ la, di kɛli daatɛlɛɛɠaa tii powaɠaa kələn, ɉį́i pulu pələ.

Yálá laawoo hɛɓɛ

¹¹ Mąąhɔlɔɓo, daatɛlɛɛɠaai ɉaláá laa həli mun gɛnɛ̨ɛ̨ ə kɛli ɲąmą həɠə, yɛ lɔ la ɉəɠə pɛlɛ́ mu, yɛ nɛ̨ŋɛ̨nŋaa mąąhvaalɛɛ haláá kulɔ la, di kɛli daatɛlɛɛɠaa tii powaɠaa kələn, ɉį́i pulu pələ.

Bible

¹¹ Kpɛ́ni fêi, zua-ŋai zâla láa soŋ-nuu kɛ́tɛi a pâ a díŋãa gwaa maa waai ma a sâla sɔnyɔ̂ŋ mɛni mai, da díkèreŋ daai kɔlɛ, dífa díkèreŋ daai su.

Hebreu 13:11 ပူးပေါင်းရင်းမြစ်များ

Lɛɛ gbɔwɔ ɓa 29:14

Kɛlaa nįŋɛ̨ huwɔ nwɛi, gɔlɔ, da gbo, ya di kələn daa pulu a nɛ̨ŋɛ̨n mąąhvaalɛɛ haláá.

Izikiɛ 43:21

Nįŋɛ̨i tii kɛ a nɛ̨ŋɛ̨n ɉaláá hɛn, yá ɉəɠə, di gələn ɓɛi mąąnɛɛ di gələn naa bɛlɛ́n, kɛlaa hva kɛ gɛɛnąą mąąhəɠɛɛ ɓa.

Levetekɔ 16:27

Nįŋɛ̨ gbɔn da molu hilɛi tii kɛ a nɛ̨ŋɛ̨n mąąhvaalɛɛ taatɛlɛɛ, diɛi tii di di ɲąmą həɠə diɛ li la gɛɛnąą mąąhəgɛɛ ɓa, diɛ nɛ̨ŋɛ̨n mąą hvaalɛɛ kóló kɛ la, da ɉuwɔ həɠə di kulɔ la daa pulu, di ɉuwɔ, gɔlɔ ə mą kɛ gbo, di gəlee kələn.

Levetekɔ 6:11

Aarɔn lonnii hinąą lɔ ɓə da mį́i, yili kaa a tíɓo yii vilɛn ŋąąi yɛ́ ka ə́ lonnii kaa a yələ kəlee mɛ̨nį, ɉalááɠaai da gələn Yai-Laa lííla mąą mɛ̨nį hu. Gulaa ka pulu, nu takpɛli lɔpee a tunwɔ̨n da ɓa, mąąnɛ̨ɛ̨ ə haa.»

Levetekɔ 9:11

Ɉuwɔ leelee da gɔlɔ, ə́ di kələn ɉįi, pulu pələ.

Levetekɔ 9:9

Aarɔn lonnii di ɲąmą tɛɛ bɔ, ə ɲeekpiɛ lɔ ɉu, ə ɉiɛ ɉaláá tabali mįnɛ̨ɠaa diɛ, ə gbəli pu ɉaláá kulɔ kəhi kɔ́wɔ mu.

Lonon mo 19:3

Ka dɛɛ ɉaláá laa həli mun Eleazarə pɔ, di kulɔ la daa pulu, di nwun dee Eleazarə ɲɛ̨i ɓa.

Lonon mo 19:7

Yili pulu, ɉaláá laa həli mun ə mąąhəɠəɠaa waa, ə gbinį waa a yá; yili pulu, ə tɛ taai. Kɛlaa, tɔ́n a lɛɛ mą ə lɛɛ ɉu yələ ə wulu.