Hebreu 12:9 - Yálá laawoo hɛɓɛ (dc)

⁹ Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Yálá laawoo hɛɓɛ

⁹ Gu nąnnii kɛ ɓɛ lɔi mɛ̨i, di kɛli gu hutɔɔ, yili ə ɓo guɔ a mɛ̨nį lɛlɛɛ, gu hvo mun kɛ gu Nąn yələi, a tɛ̨ą, mąąnɛ̨ɛ̨i, 'ká gu lɛɛ nwoo mu, əgɛ, gu yɛnɛ̨ɛ̨ hɔlɔɓo.

Bible

⁹ Nyíŋi pôlu ma kúnâŋ-ni díkaa ma ŋ̀eniɛi ŋí su nyíi-ŋai da tɔ̂ŋ kpɛ̀ kûai, kwa ƃaa-kɛ-maa tɛ́ɛ dípɔ, gɛ ní kúfe pâi kɛ̂i mɔ̂leŋ-ŋai Dínâŋ mu kpɔ́ a gbanaŋɔɔ é tɛ́ɛ nyíti ma a gɛɛ kú fúlu-laa sɔlɔ ƃó?

Hebreu 12:9 ပူးပေါင်းရင်းမြစ်များ

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Azaya 38:16

«Yai-Laa kaa nwɔ nuą pulu, di kaa pai ɓaloi, ɛlɛɛ ɉaalai ɓə gáá la a vúlú, gɛ́ nɔ̨ɔ̨.» Ə́ kaa pai búi nwúnú kɔ́lɔi, gɛ́ pənə gɛ́ yɛnɛ̨ɛ̨ kɛ.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 45:10

Nui a kɛ gaa-nąn mą: «Lə mɛ̨nį ɓa, ə́ gáá a lon?» Ɛlɛɛ yɛ kɛ gaalee ɓa: «Lə mɛ̨nį ɓa ə́ gɛ́ yɛnɛ̨ɛ̨?»

Azaya 57:16

Mąąhɔlɔɓo, və́ pai hvaa pɛlɛi kaa a yələ kəlee mɛ̨nį, və́ pai kąną ɉii ŋą́ lii hvolii ɓa, ŋą́ gɛ nəi tii, nuąi ŋį́ di pɛli, di nɔ̨ɔ̨ da di nį́į́ a nəi kulɔ di hu.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Zakari 12:1

Mɛ̨nįi Yai-Laa ə mo Israɛlə ɓa, 'mo a lolo. Yai-Laa woo ka; yai yələ kɔ́lɔn bɛli, ə lɔi laa, ə kili tɛɛ nu pɔ; yɛ:

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 27:16

«Yai-Laa, yɛ́i ə́ kaa a Yálái pɛli hɛn gəlee nɔ̨ɔ̨ kaa ɲee kɔ́nma, gɛ́ ə́ nu ta lɛ, yai pai lɛɛi nuą nwun na.

Lukə 18:2

Ə mo diɛ, yɛ diɛ: «Kiti tee mun da ə kɛ taa ta hu, hvo kɛi ɲɔw Yálá ɓa, dɛɠɛɓoɔ nu kəlee hu.

Lukə 18:4

Hvóló kəlee, nɛ̨ɛ̨nui ə kɛi lɔ li gití tee mun tii pɔɔli. Kɛlaa, hvo kɛi nɛ̨ɛ̨nui tii nwɔ mɛ̨nįi ta ɓo. Gití tee mun tii ə mo gbɔwɔ ɓa, yɛ mą: ‹A tɛ̨ą, vá ɲɔw Yálá ɓa, ə lɛɛ, vá nu ta mąąwiɛ.

Ɉaan 3:6

Lon nɛ̨ɛ̨nu a gaa, nu li; lon Kili a gaa, a kɛ tii Kili li.

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Lomaŋ 1:3

Nwɛlɛɛ lɛlɛɛ ti hvilɛŋąai non ɉulɔnu ɓa, yai hɔlɔɓo kɔ́lɔ hu Davidə huwu hu.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Zĩi 4:10

'Ká ká kpɔwɔ mąąyɛɛ gu Ną́mu yee mu, gaa a pai ká muhəɠəi.

Zĩi 4:7

Ká ká kpɔwɔ mąąyɛɛ kani Yálá yee mu, ká tɔɔ nąnį la a ká hvaŋą, a pu, ə mąą kwɛaa káá.

Piɛrə dɔlɔɔ 5:6

'Ká ká kpɔwɔ mąą yɛɛ Yálá nwɔ huwalawalalaa yee mu; ə gɛ, ə ka tɛ tɔwɔ ɲələ a ɉəli.

M̀ɛni-lɛɛi 22:6

Yili pulu, yɛ mą́ą́: Nwooɠaai ŋɛ̨i kaa a neelee, ɛlɛɛ, a tɛ̨ą; gu Nąmu Yálá, yai a gwəi mɛ̨nį hukulɔ nuą kili, ya ɓə ŋą malakai tɔɔ, əgɛ, mɛ̨nįi pai kɛi ɉu hvo kwɛa li, ə nɛ ŋą tínuą diɛ.