Hebreu 12:3 - Yálá laawoo hɛɓɛ (dc)

³ A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.

Yálá laawoo hɛɓɛ

³ A tɛ̨ą, nui ŋɛ̨i nɛ̨ŋɛ̨n ɉəɠə nuą di pɛlɛ mą, ə niikpələ, 'ká ká kiliŋąhiɛ mą, əgɛ, ɲɔ̨nwɔ̨mą a həli káá, 'ká hvįi hvo kpɛɛ.

Bible

³ Ka kákili ŋá sia é pìlaŋ ǹúui ma mɛni-soli kàa sɔnyɔ̂ŋ-ƃela yêei a gɛɛ káfii fé kpɛ̀ɛ, kpaa máŋ kálii su fé kara.

Hebreu 12:3 ပူးပေါင်းရင်းမြစ်များ

Hanwon 24:10

Ɲələi líitoo pulu mɛ̨nį a həli la yɛ́, yá wala ə́ liikpələ, hvaŋą hva lɛɛ ə́ yəi.

Azaya 50:4

Nąmu Yai-Laa ə woo lɔ ná, yɛ nui da mąą kwɛli nwoo, ə woo ta ɓo mą́ą́, nui vii kpɛɛ, gɛ́ pɛli vąŋą lɔi. Yələ wala pɔ həli pələ tɛi tɛi, a nwə́li tɔɔ, gɛ́ nwoo mąn, yɛ bələi nui di kaa mąą kwɛlii, a mɛ̨nį mąn na.

Maafîu 11:19

Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Maafîu 12:24

Yii kɛa Farisiɛ̨ɠaa di yili mɛ̨n, di mo diɛ kɛ diɛ: «Nui ŋɛ̨i hvo kpɛli-kpɛli, ɲį́nɛ̨nŋąą nwun nąmu Beɛlzebulə háálai ɓə gaa ɲį́nɛ̨nŋąą kpɛi la.»

Maafîu 15:2

«Lə mɛ̨nį ɓa mɛ̨nįi nu pɔlɔ-pɔlɔɠaa di mo gu huwula mɛ̨nį hu, ə́ wɔ kalan nɛai di hva yili hon; mąąhɔlɔɓo, di hva di yəi waai, yɛ bələi dɔ́n nwɔ liɛwoo kaa la, di kɔ̨nɔ̨n mį́į́ lɔwai?»

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Maafîu 21:46

Di kɛi Jesus hon bələ kwɛli mą. Kɛlaa, diɛ ɲɔ̨w nu kpulu ɓa, mąąhɔlɔɓo, yiliɠaa di kɛi Jesus kaa a Yálá kwəi mɛ̨nį hukulɔ mun.

Maafîu 22:15

Farisiɛ̨ɠaa dɛ li di di nwun dɔɔ a pələi kpɔ da tɛɛ la di Jesus hon vaa woo hu.

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Lukə 5:21

Tɔ́n galamɔ̨ɔ̨ɠaa da Farisiɛ̨ɠaa tii kɛ laa, di mo di kee lɔwai, diɛ kɛ mą: «Nu nɛlɛ ɓəi, yaai gaa Yálá lalan ɉi? Yálá yaa tɔ̨nɔ̨ gbən lɔ ɓə a pɛli nɛ̨ŋɛ̨n mąąhvaalɛɛi.»

Ɉaan 10:20

Daɠaa diɛ kɛ mą: «Ɲįnɛ̨n gaa bulu, ə lɛɛ, aa ɓowo; lə mɛ̨nį ɓa ka káá ka wəli tɔɔi nwoo ɓa?»

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Ɉaan 5:16

Ə həɠə ɲələ ɓa, Ɉuifəɠaa di hvilɛn Jesus pulu, mąąhɔlɔɓo, aa nu ɓalo a vįitɔɔ yələ.

Ɉaan 7:12

Nu tamąą di kɛi Jesus mąą mɛ̨nį ɓo di kee lɔwai; daɠaa di kɛi kɛ diɛ: «Nu lɛlɛɛ li.» Dakpɛliɠaa diɛ kɛ: «Lɛɛ li, Gaa nuą nwun ɉu lan ɉi.»

Ɉaan 8:13

Farisiɛ̨ɠaa diɛ Jesus ɓa: «Ə kaa ə́ kpɔɔ mąą kɛla hvaa ɓoi? Ə wɔɔ kɛla hvaai tii hvo a tɛ̨ą.»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Ɉaan 9:40

Farisiɛ̨ɠaa tii kɛ gwɛlɛ, yii kɛa di nwoo tii mɛ̨n, diɛ Jesus ɓa: «Akɛti, kuɔ kpɛli mąn, ku kaa mɔ̨ɔ̨ ɲɛ̨ipu nuą?»

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Korɛntə veelɛ 4:1

Yii yan, Yálá nwɔ ɲɛ̨imąąwɛlikaa hu, aa goloi ŋɛ̨i kalihvaɓo kuɔ, ku hvįi hva kpɛɛ gɛi.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Tɛsalonikə veelɛ 3:13

Yii ɓaa ká wɛi ną́n nonnii, ká hvįi hvo kpɛɛ mɛ̨nį lɛlɛɛ kɛi.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 12:5

ɛlɛɛ, niɛwoo lɛlɛɛi di gɛ káá yɛ bələi nu a nonnii liɛwoo kɛ la, káá lɛ̨ą mą! Yai ə kɛ mą: «Nón, 'hvó gu Ną́mu nwɔ hutɔɔ hviiɓo. A kɛi ə́ hutɔɔ, yili hvo ə́ hvįikpɛɛ.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;

M̀ɛni-lɛɛi 2:3

Ə́ hvaŋąlɔɔi, yáá náá mąą mɔ̨nɔ̨ mįi, ɛlɛɛ, ə́ hvįi hvo kpɛɛ li.

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.