Hebreu 12:27 - Yálá laawoo hɛɓɛ (dc)

²⁷ Nwoo ŋɛ̨i ə kɛ mą: «A gbəli-kpəli», a nɛ yɛ mą; pɛli hɛnŋaai kpɔ di kaa yɛnɛ̨ɛ̨ nąą kəlee, gəlee kaa pai həɠəi dɔɔi, gəlee di tɛɛ, ə gɛ, hɛn kala hvo mą, ə ɉeei kaa.

Yálá laawoo hɛɓɛ

²⁷ Nwoo ŋɛ̨i ə kɛ mą: «A gbəli-kpəli», a nɛ yɛ mą; pɛli hɛnŋaai kpɔ di kaa yɛnɛ̨ɛ̨ nąą kəlee, gəlee kaa pai həɠəi dɔɔi, gəlee di tɛɛ, ə gɛ, hɛn kala hvo mą, ə ɉeei kaa.

Bible

²⁷ Ŋ̀óoi ŋí “a lɛɛ pôlu tɔnɔɔi” a ǹɛ a gɛɛ zɛŋ kpɛtɛɛ-ŋai nyíi-ŋai da túmôi dímaa a pâi fálenîi, nyíi-ŋai dífa túmôi dí lɛ́ɛ naa.

Hebreu 12:27 ပူးပေါင်းရင်းမြစ်များ

Azaya 34:4

Yələi pələ kɔlaɠa kəlee kaa pai lɔi lɔ hɔɛ, diɛ yələkɔlɔn gbinįn yɛ da kɛi haɠa kpinįn; ɉu kɔlaɠa kəlee yɛ pu, yɛ bələi towələ wulu laa a pu la; yɛ bələi ɓolaa wulu laa a pu la.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 65:17

Yii hu kɛa, gáá pai yələ kɔ́lɔn ninɛ̨ pɛlii, ɛlɛɛ da lɔi ninɛ̨. A kɛ tii, mɛ̨nįɠaai daa tɛɛ, di kili hva kɛa too nu ta ɲą, di hva mu kpɛli kɛa pa nu kili pɔ.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Egaa 2:21

«'Mo Zorobabɛlə ɓa, yai gaa a gbahalanąmą Ɉuda lɔi hu, yɛ mą: Gáá pai yələkɔlɔn da lɔi di kpɛlin ɉii.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Lomaŋ 8:19

Mąąhɔlɔɓo, pɛli hɛnŋaa kəlee liihɛlɛŋąai diɛ; Yálá lonnii mąą mɛ̨nį too yələ ponoŋą mąąkpɔn.

Lomaŋ 8:21

Mąąhɔlɔɓo, di nwun mąą kaa pai ɓoi, di kulɔ di naa nɔ̨nwɔ̨ɓomun ɲəi, ə gɛ, lɛɛ gbɔwɔlaa da mąąwiɛlaai Yálá lonnii kaa pai ɉɔlɔɓoi, di di nwɔ nąą hɔlɔɓo ɉu.

Korɛntə dɔlɔɔ 7:31

Nuąi tɔnɔ kwɛlii ɲɛ̨nɛ̨ɛ̨ ŋɛ̨i hu, di gɛ yɛ da wala kɛ ɉɔlɔɓoi a neelee, mąąhɔlɔɓo, ɲɛ̨nɛ̨ɛ̨ ŋɛ̨i kaa pai tɛɛi.

Hebreu 1:10

Ɛlɛɛ nwɔ̨nɔ̨, yɛ mą: «Yɛ́ ɓə wɔlɔ, a gɔwɔ tɔɔ yələ, Ną́mu, ə́ yɛnɛ̨ɛ̨ kɔwɔ hvilɛn, ɛlɛɛ, yələ kwəi hɛnŋąa kəlee kaa a ə́ yee pɔɔ.

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Hebreu 9:11

Kɛlaa, Kristə ə pa ə kɛ a ɉaláá laa həli mun gɛnɛ̨, mɛ̨inɛ̨ɛ̨ɠaai gaa pai, di mąą mɛ̨nį ɓa. Ɉəɠə pɛlɛ́i gaa nwɔ tíɓo kɛi mu, gɛnɛ̨i, mąą mɛ̨nį pɛliɛ ɉu kpɔ hvɛɛ-hvɛɛ, hvo a nu kan ɲee pɔɔ, mukulaa ɓaa, hvo a ɲɛnɛ̨ɛ̨ ŋɛ̨i hu mɛ̨nį,

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 21:1

Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»