Hebreu 12:14 - Yálá laawoo hɛɓɛ (dc)

¹⁴ 'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Yálá laawoo hɛɓɛ

¹⁴ 'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Bible

¹⁴ Ka kɔ́ a gbanaŋɔɔ a gɛɛ lii-sêe é kɛ́ káloai ká núu kélee da maa-waa-laa nyíi à wàla kɛ́ núu yêei va Kúnuu-namui kâai.

Hebreu 12:14 ပူးပေါင်းရင်းမြစ်များ

Zɛnɛse 32:30

Ɉakɔbə yɛ mą: «Ə́ laa ɓaa a gbɛɛ?» Yili yɛ mą: «Lə mɛ̨nį ɓa ə́ kaa mą́ą́ninkɛi?» Ə lɛɛ laa, ə lúwɔ́ too Ɉakɔbə ɓa.

Zôo 19:26

Da pa kɛa gɔ́lɔ́i ŋɛ̨i mą́ą́ ɉukalai, gɔ́lɔ́ ɲąą pɛliɛ hu ɓə gáá pai ɲɛ̨́i tɔɔi la Yálá ɓa.

Zôo 33:26

A Yálá təli, yɛ nwəli tɔɔ nwoo ɓa, a kɛ tomąi a kwəinɛ̨ɛ̨, Yálái a nu kɛ a təlimomun, ɲɛ̨i ɓa.

Mąątɛ̨nɛ̨ 120:6

Ŋą́ą́ lamu heeni a mɔlɔɔ, nuąi liilaa yɛnɛ̨ɛ̨ wɛli hvo diɛ, di pɔ lɔi.

Mąątɛ̨nɛ̨ 133:1

Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Mąątɛ̨nɛ̨ 94:15

Di kaa nwɔ̨nɔ̨ pai kiti teei a tələnmolaa, nuąi kpɔ tələnmo kili kaa diɛ, diɛ di yíi pələ kɔ́ɔn mą.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Markə 9:50

«Kpolo kaa a hɛn nɛlɛɛ, kɛlaa, kpolo leen a kpɛɛ mą, lə ɓə da pɛli neen gɛi la mą? Mąąnɛ̨ɛ̨ ka kɛ pələ a kɛ yɛ kpolo. 'Ka nɛ̨ɛ̨ a ka kee, liilaa ə kɛ ka lɔwai.»

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Korɛntə dɔlɔɔ 13:12

Yiihu kɛa, gu kaa kɛɛ kaai pɛnɛ̨n vili-hvili hu, kɛlaa, a Yələ ta, gu kaa pai gaai hələ-tətə. Yiihu, nwɔ́ mɛ̨nį kɔlɔnŋąą ɲɛ̨ndɔɔi, a kɛ tii, gáá pai gɔlɔn ɉii, yɛ bələi Ə gɔ́lɔ́n na.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Filipə 3:12

Və́ kɛli káá, ŋą́ą́ gəlee hɔlɔɓo, a wala kɛ ti, ŋą́ą́ mɛ̨nį kəlee aa pɛli ɉu, kpaa-o! Kɛlaa, gáá tɔɔi a nwą́nąi gilɛ həɠɛɛ hu, ə gɛ, ŋą́ həli dɔ̨nɔ̨ ɓa, mąąhɔlɔɓo, ɲą́ą́ gbɛli, Jesus Kristə ə ɉón.

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.

Hebreu 12:10

Gu nąnnii tii di wɛi, di kɛli gu hutɔɔ a di wɔɔ mɛ̨nį hukpɛ kili, a di wɔɔ yələ; kɛlaa Yálá nwɛi, a gu hutɔɔ, gwa dɔlɔ hɔlɔɓo a nwɔ Yálá-laa.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 3:11

Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Piɛrə dɔlɔɔ 3:13

Ɛlɛɛ, gbɛɛ ɓə a pɛli mɛ̨nį ɲɔ̨n gɛi a káá, akɛ, ká ká hvaŋąlɔ mɛ̨nį lɛlɛɛ kɛɛ ɓa?

Piɛrə veelɛ 3:11

Yɛ bələi Ɉɛnŋąa ti kaa pai kalai la ti, pələi mąąnɛ̨ɛ̨ ka túwɔ́ pələ ə kɛ la, kaa kpinįi kaa gbaɠala kɔ́lɔn. Ɓɛlɔwai ka káá Yálá pa hvóló mąąkpɔn ɉi la, ka ka ŋąą wala, ə gɛ, ə pa a mąą hulaa. Mąąnɛ̨ɛ̨ ka wɔ kanąn Yálá ɓa laa ə ka túwɔ́ pələ mąąhəɠə. Ba hvóló, nwɔ̨n a yələkɔlɔn gələn, hɛnŋąai kpɔ di kaa yələkɔlɔn ɉu di həɠeen.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Nwun mąąɓo 11:14

Ɉɛfte ə pənə ə wɛlɛɛ nįnɛ̨ tɔɔ Amɔn tɔɔmun bɔɔli,