Hebreu 11:9 - Yálá laawoo hɛɓɛ (dc)

⁹ Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Yálá laawoo hɛɓɛ

⁹ Laa na laa háálai, ə pa, ə hee nwɛ̨ą lɔi hu, ɓɛi di nąą laakwɛlanmo mą; di kɛ lɔ həɠə-kələɠaa mu, yaa da Isaakə, ɛlɛɛ Ɉakɔbə, a diɛi tii kɛ a mɛ̨nį laakwɛlanmoɔ ŋą kwɛlin ɉəɠə nuą.

Bible

⁹ Laa-la sârai Eberaɣɛ̃ɛ è kɛ̀ gono-tee-lɔii ma yɛ̂ɛ núu a li ŋɔ̃yâ-lɔii ma. È kɛ̀ sua-kɔlɔ-pɛrɛ mu yɛ̂ɛ berei Aise da Zeeka máŋ dí gɛ̀ lai, da dîa-ni dí gono-tee tɔnɔi sɔlɔ ƃô.

Hebreu 11:9 ပူးပေါင်းရင်းမြစ်များ

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 13:18

Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.

Zɛnɛse 13:3

Ə həɠə Negɛvə lɔi hu yɛ li sɛ-sɛ, Betɛlə daai pələ, ɓɛi ə kɛ laa kɛ heeni a bɔlɔ, Betɛlə taa da Ai taa di lɔwai.

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 18:6

Nąąlɔwai, Abrahamə ə pənə kpɔ a mąą hulaa, ə lɔ nɛ̨ą Sara pɔ, ɉəɠə pɛlɛ́ mu, yɛ mą: «Ə́ mąą hulɔ, lɛɠɛ hunwɔ gəgən ɉu haaɓa həɠə, ɲɔwɔ, ə́ gɛ a nwɔ̨mį.»

Zɛnɛse 18:9

Nwɛ̨ąąi tii di Abrahamə mąąnikɛ, diɛ mą: «Ə́ nɛ̨ą Sara kaa mį?» Abrahamə yɛ mą: «Gaa bɛlɛ́n.»

Zɛnɛse 21:34

Abrahamə ə lamun kpɔ woloɓo Filisti lɔi hu.

Zɛnɛse 23:4

«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»

Zɛnɛse 25:27

Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi.

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Zɛnɛse 31:25

Laban ə həli Ɉakɔbə ɓa, yili aa nwɔ həɠə pɛlɛ́ɠaai hvilɛn Galaadə ɲeeɠaa ɓa, Laban da bulu nuą diɛ kpɛli, di di wɛiɠaai hvilɛn.

Zɛnɛse 35:27

Ɉakɔbə ə li nąn Isaakə pɔ Mamre yai kɛ Kiryat-Arba. Kiriatə-Arba laa ɓaa a Hebrɔn; nąą ɓə wɔlɔ Abrahamə da Isaakə di kɛ laa heeni.

Zɛnɛse 36:7

Mąąhɔlɔɓo, ɉɛn gɔw kɛ di nu hveelɛi di yəi, gɛnɛ̨i kɛ, di hva pɛli kɛ heei di kee kwɛlɛ. Nɔi tii di kɛ ɉu, di wɔ taatɛlɛɛɠaai di hva pɛli kɛ di kɔ̨nɔ̨n ɉɔlɔɓoi laa.

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Mąątɛ̨nɛ̨ 105:12

Di kpulu hvo kɛ kɛnɛ̨ li, di ɓo a nwɛ̨ąą nɔi.

Ɉeremi 35:7

'Ká hvo pɛlɛ́ tɔɔ, 'ka hvo tíi kɛ, 'ka hvo ɓá wulu hin, 'ka hvo da yá. Kɛlaa, 'ka kɛ yíi həgə pɛlɛ́ɠaa mu ka yɛnɛ̨ɛ̨ kəlee hu, ya ɓə a gɛ, ká lamu nɔi ŋɛ̨i ka káá ɉu, mɛ̨i.

Hebreu 6:17

Bələ lɔ ɓə Yálá ə gɛ la, əgɛ, ə nɛ ŋą mɛ̨nį laakwɛlanmoɔ hu mɛ̨nįi hɔlɔɓo nuą diɛ, yɛ, hva ɉəɠə mą, ə gwɛla.