Hebreu 11:8 - Yálá laawoo hɛɓɛ (dc)

⁸ Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Yálá laawoo hɛɓɛ

⁸ Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Bible

⁸ Laa-la sârai Eberaɣɛ̃ɛ è Ɣâla wóo mɛni tãi Ɣâla è dòli la a gɛɛ é lí kwaa da ma ƃɛi è kɛ̀ pâi nàa sɔlɔ ƃôi ǹyêei, ǹyaŋ è kùla bɔ̀ taai é lí. Kɛ́lɛ, vé kɛ́ ní a ƃɛ́i kɔ́lɔŋɔɔ è kɛ̀ liî naai.

Hebreu 11:8 ပူးပေါင်းရင်းမြစ်များ

Zɛnɛse 11:31

Tela ə non Abramə həɠə da Haran lon Lɔtə yai kɛ a mąnįn, ə bɛlɛ non nɛ̨ą Sarai ɓa, yai kɛ a Abramə nɛ̨ą, da diɛni di həɠə Urə daai Kalde nuą pɔ lɔi, diɛ li Kanaan lɔi hu, di li ɓɛi ŋɛ̨i da kɛ mą Haran, di hee laa.

Zɛnɛse 12:5

Abramə ə nɛ̨ą Sarai həɠə, ə bɛlɛ mąnįn Lɔtə ɓa da hɛn gɔw kpɔ kɛ ɲəi, ə mą kɛ huwɔɠaai ə di ya Haran lɔi hu, ə li a gəlee. Ə muhəɠə, ə ɲɛ̨i haŋą Kanaan lɔi hu pələ. Ɓɛlɔwai Abramə ə li la Kanaan lɔi hu,

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 20:13

Ɓɛlɔwai Yálá ə gúlɔ la ną́n ɲəi bɛlɛ́n, ə vílɛn lɔi mɛ̨i, Nąąlɔwai, ŋį́ kɛ nɛ̨́ą ɓa: ‹Ɓɛi lɔpee gwa li laa, kɛ diɛ gáá a ə́ mąąhulɔnu.›»

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Azaya 41:2

Dələnmo mun həɠə hvóló kulɔi pələ, gbɛɛ ɓə ɲali bulu, yɛ bənə yɛ ba, yɛ lɔiɠaa pɛlɛ gɔwɔ mu, yɛ tɔɔɓɛlaa pɛlɛ lɔi ɓa, yɛ nwɔ kɔ́ kɔ́ nuą kpulu hu kɛnɛ̨ yɛ munuun gbala, yɛ nwɔ tonwąi tamą, yɛ tulɔ hvaŋą a kɛi dɛ̨ɛ̨ kpoloon daɠa taɠa.

Azaya 51:2

'Ka ka nąn Abrahamə kaa, da ka lee Sara, yai ka káá, yɛnɛ̨ɛ̨; hvo gaai tii, yaa tanɔ̨n gbən nɔ ɓə kɛ laa, gɛ́ dəli; yili kɛɛ tii, ŋi luɠo too mą, ŋi ɉuwu hu kɛnɛ̨!

Izikiɛ 36:24

«Gáá pai ka həɠəi lɔiɠaa hu, gɛ́ ka ɲąąkpɔn a ka kulɔi ŋą́ mo lɔi kəlee hu, gɛ́ pənə gɛ́ pa a kaa, ka wɔ lɔi mɛ̨i.

Lonon mo 10:30

Hobabə yɛ mą: «Və́ pai lɛɛ ka pɔ, gu hvo li, gáá pənəi ŋį́ li bɔ́ lɔi, nwɔ́ nuą pɔ.»

Maafîu 2:21

Ɉosɛfə ə nokoloi da nee di həɠə, di pənə diɛ li Israɛlə lɔi hu.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 10:16

Kɛlaa, nu kəlee hvo ɲee heeli nwɛlɛɛ lɛlɛɛ mu. Esai ə mo nwɔ̨nɔ̨ yɛ diɛ: «Námu, nwɛlɛɛ lɛlɛɛi ku naa həlii, gbɛɛ ɓə laai na?»

Lomaŋ 6:17

Kɛlɛɛ, kaa gu Yálá hɛɠɛɛɓo! Mąąhɔlɔɓo, ka kɛ tɔlɔɔ nɛ̨ŋɛ̨n nwɔ luwɔlaa hu, kɛlɛɛ, niɛwoo ŋɛ̨i di galan kaa ka ka yee hee mu, ka nwoo hon a ka lii kəlee.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Hebreu 11:33

a diɛi, laa na laa háálai, di yee ə tɛɛ tɔɔ lɔi tamąą ɓa, di tələnmolaa pɔ túwɔ́ ɓo, di mɛ̨nį laakwɛlanmoɔɠaa kaa, di laa yɛ hon, diɛ yalaɠaa laaləi hon,

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Zasua 24:3

Ŋį́ ka nąn Abrahamə həɠə ɲá lee pulu pələ, ŋį́ li ŋį́ ɉee Kanaan lɔi nąą kəlee, ŋį́ ɉuwuhu ɓɛɛlɛ, ŋį́ Isaakə tɛɛ bɔ.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Piɛrə dɔlɔɔ 3:1

Nɛ̨ąą kaa kpɛlimąn, 'ká lɛɛ ká hilɛni woo mu, ə mą kɛ, daɠaa di hvo gɛi di hvo laa Yálá laawoo la, di di hɔlɔɓo a di nɛ̨ąni di wɔ tuwɔ pələ lɛlɛ laa, hva kɛ a di hvaa woo,

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?