Hebreu 11:37 - Yálá laawoo hɛɓɛ (dc)

³⁷ diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Yálá laawoo hɛɓɛ

³⁷ diɛ daɠaa hɔɔ a kwɛni diɛ haa, diɛ daɠaa hutee a gbɛa haɠa, diɛ daɠaa paa a ɓɔwa kwɛaa. Di kɛ lɔ tii kɛa lɔi mɛ̨i diɛ tɛɛ, ɓɛlaa kɔ́lɔ da ɓooli kɔ́lɔ ɓə kɛ a di mąąhəɠəɠaa, di ɓo a yeehvowolo nuą, diɛ di mɔ̨nɔ̨ɓo, diɛ di hon a ɲɔ̨nwɔ̨ɔ̨,

Bible

³⁷ Dí dísɔ̂ɔ a kɔni dí díƃela-ƃela gîei feerɛ dí dísu kɔɔŋ dí dípaa a ƃóa-sɔkpɔ. Da-ni dí kɛ̀ sia-siai ƃála-kɔlɔ su da ƃoli-kɔlɔ, da-ni dí díkɔ̃liŋ kélee láŋ. Da-ni dí mɛni-kpɔ̂lu kàa, dí ŋwana-lɔ̂ɔ-tua kɛ́ a da-ni.

Hebreu 11:37 ပူးပေါင်းရင်းမြစ်များ

Samia Veerɛi 12:31

Yii ɓaa daa tii hu nuą di wɛi, ə di hon a kɔluwɔɠaa, daɠaa diɛ wulu haɠa, diɛ kwɛni haɠa, daɠaa diɛ kwɛi kwɛli, daɠaa diɛ pɔlɔkɔw kɛ. Pələ ɓə ə gɛ la a Amɔn lonnii di wɔ taaɠaai kəlee da ɉu nuą. Davidə da nuą kəlee di pənə di pa Ɉerusalɛmə daai.

Tɔɔɓɛlaa dɔlɔɔ 18:13

Akɛ tii, mɛ̨nį ta ŋą́ gɛ, di hvo ta ɉukulɔ li námu ɓa, ɓɛlɔwai Ɉezabɛlə ə kɛi Yai-Laa kwəi mɛ̨nį hukulɔ nuą paa la, ŋą́ Yai-Laa kwəi mɛ̨nį hukulɔ nuą nu nwun dɔ̨nɔ̨ loo kwɛni wolo hveelɛ hu a nu pow lɔɔli lɔɔli, gɛ́ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 18:4

Ɓɛlɔwai Ɉezabɛlə ə Yálá kwəi mɛ̨nį hukulɔ nuą paa la, Ovadiahu ə Yálá kwəi mɛ̨nį hukulɔ nuą nu nwun dɔ̨nɔ̨ həɠə ə di loo. Ə di loo a nu pow lɔɔli lɔɔli kwɛni wolo hveelɛ hu, ɛlɛɛ, yɛ di kɔ̨nɔ̨n gɛ a lɛɠɛ da yá.

Tɔɔɓɛlaa dɔlɔɔ 19:1

Mɛ̨nįi kpɔ Eli ə gɛ, Baalə laa yəlikɛ nuąi ə di paa a ɓɔwa kwɛaa, tɔɔmun Akabə ə gəlee hukulɔ nɛ̨ą Ɉezabɛlə ɓa.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Tɔɔɓɛlaa dɔlɔɔ 19:13

yii lɔ Eli ə vaŋą hvɛlɛ tɛ-tɛi tii tɛɛ mɛ̨nį kili kɔ́lɔn, ə nwɔ biliɉui pɛlɛ ɲɛ̨i, ə kulɔ ə tɔɔ gwɛni wolo laaləi. Woo ta ə həli Eli ɓa, yɛ mą: «Eli, lə ɓə ə́ kaa gɛi ɓɛ?»

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 19:19

Eli həɠɛɛ laa, ə li ə Safatə lon Elise kaa yɛ kɛɛhin, aa kpinįn bow kɔ́w tɔ̨nɔ̨ kulɔ, ə ɓo gɔw hveelɛnąą ɓa a gbəli. Eli ə nwɔ biliɉui pu Elise kalan ŋą.

Tɔɔɓɛlaa dɔlɔɔ 21:10

Ɛlɛɛ, ka nu kpoloon veelɛ hee gwɛlɛ. Di lɛɛ pɛlɛ nwuɔ̨ diɛ kɛ mą: ‹Aa Yálá da tɔɔmun di lalan› Akɛ tii, ka gulɔ nuą lɔwai, ka lɛɛ ɉɔɔi a kwɛni, ə lɛɛ la ɉu ə haa.»

Tɔɔɓɛlaa veelɛ 1:8

Diɛ mą: «Ɉəɠəi kɛ gwąną, ə kɛ a huwɔ ləɠa həɠə, ɉąą yilɛɛ a huwɔ kɔ́lɔ.» Di mo lɔ tii, tɔɔmun yɛ diɛ: «Tisbe mun Eli ka tii!»

Tɔɔɓɛlaa veelɛ 2:13

Yili pulu, Eli nwɔ biliɉui ŋɛ̨i kulɔ gbaŋəi ə pu, Elise ə ɉəɠə, ə pənə ə pa Ɉurdɛn kwɛlɛ, ə tɔɔ laa.

Tɔɔɓɛlaa veelɛ 2:8

Nąąlɔwai, Eli ə nwɔ biliɉui kulɔ gbaŋəi, ə gbinįn gɛ, ə ɲá kɛlɛ la; ɲá ə tee di tɔwɔ, di tɛɛ di nu hveelɛi di kɔ́wɔ mąą kpalaa.

Kɔlɔnikɔ Maa-ŋuŋ 20:3

Yii ɓaa daa nuą di wɛi, ə di hon a kɔluwɔɠaa; ə daɠaa tɔɔ wulu haɠa koló ɓa, daɠaa di ɓo a kwɛni haɠa nuą da kwɛi kwɛli nuą. Bələ ɓə Davidə ə Amɔn lonnii di wɔɔ taaɠaa kəlee hon na. Yili pulu, Davidə da Israɛlə nuą di pənə di pa Ɉerusalɛmə daai.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Ɉeremi 26:23

Di Uriahu kulɔ Eziptə lɔi hu, di paa la tɔɔmun Yoyakimə pɔ, yili ə baa, ə bowa pili kpɔnmąą kámą hu.

Zakari 13:4

Mąą yələi tii, Yálá kwəi mɛ̨nį hu kulɔ nuą, mɛ̨nįi da gaa diɛ mo, diɛ kɛ di kaa ɉəɠəi Yálá kwəi, da nwumɛ̨ ɉu; di hva kɛa biliɉu pili di kalan ɉu diɛ nuą ɓowo.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 3:4

Ɉaan mąą həɠə ə kɛ a ɲɔ̨nwɔ̨mɛ̨ɛ̨ ləɠa, ɉəą yiliɛ a huwɔ kɔ́lɔ, gɔ̨nɔ̨n yɛ ɓo a peelə da kwɛin nwulɔ.

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Hebreu 11:25

Hvo hvaa mą, hvo niiɓa kɛ nɛ̨ŋɛ̨n ɉu kpɛli tiikpə, kɛlaa yaamun, ə hvaa mą da Yálá nwɔ nuą di mɔ̨nɔ̨ mįi gee pɔ.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»