Hebreu 11:36 - Yálá laawoo hɛɓɛ (dc)

³⁶ Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

Yálá laawoo hɛɓɛ

³⁶ Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

Bible

³⁶ Dí ɣɛ́lɛ-maa kùla núu da-ni kponôi dí dílokwa dí yɔlɔ pú dîa máŋ dí dípili kpini-pɛrɛ mu.

Hebreu 11:36 ပူးပေါင်းရင်းမြစ်များ

Zɛnɛse 39:20

Ə mo di Ɉosɛfə hon, di doo gaho ŋą, ɓɛi tɔɔmun nwɔ gaho nąmįnąi di kɛ laa.

Tɔɔɓɛlaa dɔlɔɔ 22:24

Nąąlɔwai, Kenaana lon Sidkiyahu ə nɛɛ mą, ə Mise laa lɔwa, yɛ mą: «Mįnɛ̨ pələ ɓə Yai-Laa nwɔ Kilii ə kulɔ la ɉú, yɛ mɛ̨nįɠaa ŋɛ̨i ɓo yɛ́?»

Tɔɔɓɛlaa dɔlɔɔ 22:27

Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Tɔɔɓɛlaa veelɛ 2:23

Elise ə həɠə Ɉeriko yɛ li Betɛlə pələ. Ɉəliɛ daa kpala, lɛapɛlɛɛ di həɠə taai, diɛ yɛlɛ Elise ɓa, diɛ kɛ mą: «Nwuɔ̨ kɔ́mɔ̨, 'li! Nwuɔ̨ kɔ́mɔ̨, 'li!»

Kɔlɔnikɔ Veerɛi 16:10

Asa lii ə holi gwɛlɛɛn gɛɛkaamun tii pɔ, ə ɉon, ə doo gaho ŋą. Mąąhɔlɔɓo, nii ə holi bɔ mɛ̨nįi tii hu. Nąąlɔwai, Asa ə hee nɔi lonnii bələ tɔ̨nɔ̨ mɛ̨i yɛ di mɔ̨nɔ̨ ɓo.

Kɔlɔnikɔ Veerɛi 18:26

'Ka mo diɛ, di nui ŋɛ̨i too gaho ŋą, 'kaa gɔ̨nɔ̨n gɔwɔn kpɔlɔɔ tiikpə, a lɛɠɛ logolo da yá kpɛli-kpɛli, ə lɛɛ ɉu, ŋį́ pənə, ŋį́ pa nɛ̨ŋɛ̨kpɛlɛɛ.»

Kɔlɔnikɔ Veerɛi 30:10

Nwɛlɛɛɓo nuą di tɛɛ daaɠaa hu, Ɛfraimə lɔi hu da Manase lɔi hu, di həli kpɔ Zabulɔn. Kɛlaa, di kɛi yɛlɛ diɛ, diɛ di kaa yɛ ɓowonuą.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 20:7

Yai-Laa, yáá ɲą́ą́nɛnɛn, yáá ɉón a gbanalaa, Ɛlɛɛ, ɲą́ą́n, ŋą́ą́ gbɔ́ɔ́ lɛɛ laa yáá ɉón, wea mɛ̨nį kpɔ ɓə ə́ gɛ mą́ą́ mɛ̨nį hu; Ɛlɛɛ, mɛ̨nįi ə kɛ bɔ, ə́ yee aa pɛli mą. Da túwɔ́ lɔ yɛlɛ kulɔi ɉú, nu kəlee diɛ di laa pu ɉú.

Ɉeremi 29:26

«Yai-Laa ɓə ə́ hee a ɉaláá laa həli mun a Yehoyada mąąhvalin, a haláá laa həli mun yai Yálá hee pɛlɛ́ mąą mɛ̨nį kaa nwuɔ̨; da nuą lɔpee mɛ̨nį kulɔi di nwun ɉu, diɛ yɛ mo, yɛ gbɔwɔ kɛ a Yálá kwəi mɛ̨nį hukulɔ mun. Mąą nɛ̨ɛ̨ ə́ di too kpɔ̨nɔ̨ ŋą, ə́ di kɛlɛ.

Ɉeremi 32:8

Bələi kpɔlɔɔ tii Yai-Laa ə mo la mą́ą́, bələ lɔ ɓə ə kɛ la; gálá lon ə pa, ə həli mą́ą́ tɔɔmun mą́ą́kpɛ kulááɠaa yəi gwəlii, yɛ mą́ą́: «Nwɔ́ tíi tii Anatotə, Bɛnɉamɛn nwɔ lɔi hu, ɲá. Mąąhɔlɔɓo, gu kaa bələ hu, da ɉɛnŋaa nwun mąąɓo tɔ́n nąą pələ, yɛ́ ɓə mąąnɛ̨ɛ̨ ə lɛɛ ə́ yəi, yili ɓa, ɲa kani. Ŋą́ gɔlɔn gɛ́ kɛ diɛ, Yai-Laa woo li.»

Ɉeremi 36:6

'Li laa kani a ɉin nɔ yələ, ɛlɛɛ, Yai-Laa wooɠaai ŋɛ̨i ŋą́ kɛi mo yɛ́, yɛ́ di pɛ̨ɛ̨ ɉɛɓɛ́ hui, ə́ tɔɔ Yálá hee pɛlɛ́ mu, nu kpulu ɲɛ̨i ɓa, ɛlɛɛ ə́ galan Ɉuda nuąi kpɔ pai həɠəi di pɔ taai diɛ pa laa ɉɛlii tii ɓa, diɛ.

Ɉeremi 38:28

Ɉeremi ɛlɛɛ dɔɔ kwəli mąąkpɛ nuą yəi gwəlii, ə lɛɛ ɉu di Ɉerusalɛmə hon.

Ɉeremi 39:15

Ɓɛlɔwai Ɉeremi ə kɛ la dɔɔ kwəlii mąąkpɛ nuą yəi gwəlii gaho ŋą, Yai-Laa woo ə həli mą, yɛ mą:

Danîa 11:33

Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 21:35

Kɛlaa, góló kɛ nuą di wóló gəlaɠaa diɛ, di dɔ̨nɔ̨ paa a kwɛli hɛn di dɔ̨nɔ̨ paa a kwɛni kpuwulu.

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Maafîu 27:26

Nąąlɔwai Pilatə ə tee Barabasə ɓa, ə Jesus tɛɛ di gɛlɛ a hvaɠa, ə dɛɛ diɛ li gbanwoi.

Markə 10:34

Yiliɠaai di yɛlɛ kulɔ ɉu, diɛ di laayá pili mą, diɛ gɛlɛ a hvaɠa. Da baa kɛa, hvóló haaɓa tɛɛ pulu a pənə ə kulɔ haaɓɛlaa lɔwai, ə kɛ a vúlu.»

Lukə 18:32

Nuąi di hvo laa li Yálá la di kaa pai dɛɛi di pɔ, di yɛlɛ kulɔ ɉu, di mɛlɛkpɛɛmą, diɛ di laayá pu mą.

Lukə 23:11

Herodə da gɔ́kulááɠaa di kɛi yɛlɛ Jesus ɓa, diɛ mɛlɛkpɛɛ ma. Di gbaawi lɛlɛɛ ta too Jesus kwąną, di pənə di dɛɛ diɛ li la Pilatə pɔ.

Lukə 23:36

Ɉolahiɠaa diɛ kpɛli di kɛi yɛlɛ kulɔ ɉu, diɛ pa a lɔɔ kpona bɔ.

Gɛlaɠaa 21:33

Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Gɛlaɠaa 24:27

Kwɛlan veelɛ kulaa ɉu, Porsiusə Fɛstusə ɓə Felisə mąąhvalin nɔi nwun nąmu laa hu. Kɛlaa kɛi Felisə ə mo bɔ ə Ɉuifəɠaa lii hon, ya ɓə gɛ, ə Polə lɛɛ gaho ŋą.

Gɛlaɠaa 4:3

Di mo di di hon, di di too gahoŋą, diɛ yələɓɔɔ mąąkpɔn, mąąhɔlɔɓo, yələ aa kɛa kɛ wulu.

Gɛlaɠaa 5:18

Di gɛlaɠaai hon nu kəlee ɲɛ̨i ɓa, di di too gaho ŋą.

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Ifisiɛŋ 3:1

Yili mąą mɛ̨nį ɓə, ɲą́ą́ Polə, a Jesus Kristə ŋą gaho nąmu, káái a huwu takpɛliɠaa, ká mąą mɛ̨nį ɓa.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Nwun mąąɓo 16:25

Yɛ bələi di kəlee di kwəinɛ̨ɛ̨i kɛ la diɛ tomą, di mo diɛ: «'Ka pa a Samsɔn, ə pələ kɛ ku ɲɛ̨i ɓa, ku nąą kaa.» Di Samsɔn kulɔ gaho pɛlɛ́ mu, di paa la nuą pɔ, di kwəinɛ̨ɛ̨ yɛ pələ kɛ, diɛ gaa. Di Samsɔn tɔɔ Dagɔn mąąwiɛ pɛlɛ́ nɔ̨nwɔ̨ hveelɛ lɔwai.