Hebreu 11:32 - Yálá laawoo hɛɓɛ (dc)

³² Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,

Yálá laawoo hɛɓɛ

³² Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,

Bible

³² Le ƃe ŋɔ́nɔ ŋa pɔ̂ri m̀ôi naa pôlu ma? Kpɛ́ni fêi, tãi fé pâi kɛ̂i naa a gɛɛ ŋa lono é pîlaŋ Gidiɔŋ ma, Bara, Saŋsiŋ, Zɛfita, Deeƃé da Samia é pɛ́lɛ Ɣâla ŋɔlóno-kɛ-ƃelai dîa.

Hebreu 11:32 ပူးပေါင်းရင်းမြစ်များ

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Lukə 13:28

«Ɓɛlɔwai ka káá pai Abrahamə, Isaakə, Ɉakɔbə da Yálá kwəi mɛ̨nį hukulɔ nuą kaai la Yálá-taa tɔɔlaa hu, kaa ŋɛ̨i kaa ɓo ɲɛnɛ̨ɛ̨ pələ, nąąlɔwai ɓə ka káá pai wɔlɔi la, kaa ka ɲįn ɲą mį́į́.

Lukə 16:31

«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»

Ɉaan 21:25

Jesus ə mɛ̨nį takpɛliɠaa tamąą kɛ, akɛ kwa gəlee tɛitɛi pɛ̨ɛ̨ kɛ, nwɔ́ɔ́ kwəi, yɛnɛ̨ɛ̨ nąą kəlee hva pɛli kɛ ɉɛɓɛ́ mu.

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 13:20

kwɛlan nwun nąąn ɲee lɔɔli ɲee mu mɛ̨nįɠaa ka tii. Yili pulu ɓə ə nɔi mąąkɔ̨nwɔ̨ nuą həɠə la ɉu ə dɛɛ di ku kalaɓɔlɔni pɔ, ə lɛɛ ɉu ə həli la Yálá kwəi mɛ̨nį hukulɔ mun Samuɛlə nwɔ yələi ɓa.

Gɛlaɠaa 3:24

Yili pulu, ə gɔwɔ tɔɔ Samuɛlə ɓa, yɛ li la Yálá kwəi mɛ̨nį hukulɔ nuą yiiɠaa ti diɛ, di kəlee, volói ŋɛ̨i ɓə di kɛi mąą mɛ̨nį ɓo.

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Lomaŋ 4:1

Lə mɛ̨nį ɓə gwa pɛli moi gu kalaɓɔlɔ Abrahamə mąą mɛ̨nį hu? Lə mɛ̨nį ɓə ə ɉɔlɔɓo gɔlɔ ɓa pələ?

Lomaŋ 6:1

Gwa pɛli kɛi lə: Akɛti, mąąnɛ̨ɛ̨ gu kɛ lɔ nɛ̨ŋɛ̨n ɉəɠə munɛ hu ə gɛ Yálá nwɔ mɛ̨inɛ̨ɛ̨ hu ə kɛnɛ̨?

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Zĩi 5:10

Ną́n nonnii, Yálá kwəi mɛ̨nį hukulɔ nuąi kɛli hvaa gu Ną́mu laa hu, ká ká kɔɔn diɛ; di di liikpələ, di mɔ̨nɔ̨ mįi.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Nwun mąąɓo 13:24

Manoa nɛ̨ą ə koo həɠə, ə lon ɉulɔnu hɔlɔɓo, ə naa hee a Samsɔn. Nokoloi tii ə kɛi kɛnɛ̨, Yai-Laa yɛ lúwɔ́ too mą.

Nwun mąąɓo 15:20

Kwɛlan bow hveelɛ yee mu, Samsɔn ə tɔɔ Israɛlə nuą ɲɛ̨itɔwɔ, Filisti nuą di wɔ yələi hu.

Nwun mąąɓo 4:1

Ehudə haa pulu, Israɛlə nuą di gbala tɔɔ nwɔ̨nɔ̨, mɛ̨nį ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ.

Nwun mąąɓo 6:1

Israɛlə lonnii di pənə nwɔ̨nɔ̨, mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ, Yai-Laa, ə di too Madian nuą yee ŋą kwɛlan mɛ̨ihveelɛ yee mu.

Nwun mąąɓo 6:11

Yai-Laa nwɔ malaka ə pa, Ofra daai, ə hee wulu kɛnɛ̨ ta mu, yai kɛ a Yoasə nwɔɔ. Yoasə ə kɛ a Aviɛzɛrə yəi bɛlɛ́n mun da. Yoasə lon Zedeɔn, ə kɛi nwɔ mɔ̨nun dan, ɓɛi ŋɛ̨i da viɲə yá kulɔ laa, ə gɛ, Madian nuą di hvo pa gaa.

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.

Samuɛlə dɔlɔɔ 12:11

Yai-Laa ə Yerubaalə, Bedan, Ɉɛfte, da Samuɛlə di həɠə, ə di tɔɔ, di ka kulɔ ka yowoɠaai kɛ ka kwɛlɛ di yəi, kaa hee nɔi, ka wəli pulu laɠiɛ.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 17:45

Davidə yɛ Goliatə ɓa: «Ə́ wɛi, ə́ kaa pai pɛlɛi mą́ą́, ɓɔwa kwɛa yɛ ɓo ə́ yəi, kpala yɛ ɓo ə́ yəi, wulu ɲąą kulaa ə́ ɓo ə́ yəi. Nwɛ́i, gáá pai ə́ pɔ Yai-Laa Mɛ̨nį Kəlee ŋą Hééɓomun laa hu, yai a Israɛlə nwɔ Yálái, a Yaa tii ə́ kaa gwɛlin baa pɔlɔn dɔɔi.

Samuɛlə dɔlɔɔ 2:11

Ɛlkana ə li bɔɔli Rama, nokolo nwɛi, ə kɛi tí Yai-Laa ɓa, ɉaláá laa həli mun Eli ɲɛ̨i ɓa.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 2:4

Kɔ́kulááɠaa di wɔ kilɛn hu a yali, Kɛlaa nuąi kɛi pa tooi, daa di hąą yili a huwalawalalaa.