Hebreu 11:27 - Yálá laawoo hɛɓɛ (dc)

²⁷ Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Yálá laawoo hɛɓɛ

²⁷ Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Bible

²⁷ Laa-la sârai è kùla Ize, vé yao ní gâloŋ ŋɔlii-ŋwanai mâ. Kpɛ́ni fêi, è kɛ̀ yɛ̂ɛ ǹyaa ƃe è ǹúui kàa nyíi núu fa gàai.

Hebreu 11:27 ပူးပေါင်းရင်းမြစ်များ

Mąątɛ̨nɛ̨ 16:8

Gíli tɔɔi lɔ Yai-Laa ɓa a yələ kəlee, gɛ mɛ̨nį tɔɔni mamįiyee hu pələ, mą́ą́ hva kpɛlin.

Lɛɛ gbɔwɔ ɓa 11:8

Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Lɛɛ gbɔwɔ ɓa 12:11

Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Lɛɛ gbɔwɔ ɓa 12:50

Mɛ̨nįɠaa kpɔ Yai-Laa ə Moisə da Aarɔn di tí la, Israɛlə lonnii di gɛ tii.

Lɛɛ gbɔwɔ ɓa 4:19

Moisə ə lɛɛ Madian Yai-Laa yɛ mą: «'Pənə ə́ li Eziptə, hvó gaai, nuąi kɛi kɛ di ə́ paa, da haa.»

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 24:13

Kɛlaa, nui a tɔɔ kpąą ə lɛɛ laa ɉu ɲąą kpɛɛi lɔwai, mąą nui nwun mąą a ɓo.

Markə 13:13

Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa, kɛlaa, nui a tɔɔ kpaan ə lɛɛ ɉu ŋąąkpɛɛi lɔwai, mąą nui nwun mąą a ɓo.»

Markə 4:17

Kɛlaa, di hva nɛɛ laa nwoo tii hvo ɉeei kaa di lii hu. Da di yee hee lɔ mu a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ Yálá laawoo mąą mɛ̨nį ɓa, da lənə Yálá mąą mɛ̨nį ɓa.

Gɛlaɠaa 2:25

Yaan Davidə ə mąą mɛ̨nį ɓo yɛ kɛ mą: «‹Ɲɛ̨́i ə kɛ lɔ Ną́mu ɓa a yələ kəlee. Gaa lɔ gwɛ́lɛ, ə gɛ, mą́ą́ hvo pa kpɛlin.

Korɛntə dɔlɔɔ 13:7

Wɛlikɛmąąlaa a hɔn kəlee mąąhvaalɛɛ, a laa mɛ̨nį kəlee la, a gilitɔɔ mɛ̨nį kəlee ɓa, a niikpələ mɛ̨nį kəlee mu.

Korɛntə veelɛ 4:18

Ku wɛi, mɛ̨nįɠaai kaa kaa diɛ, ku hvo di pulu, kɛlaa yiiɠaai hva kaa, diɛ ɓə kwa gwɛli, yiiɠaai kaa kaa diɛ, hvoló tɔ̨nɔ̨ mɛ̨nįɠaa lɔ li, kɛlaa Yii kaa hvo mą, kpɛɛ hvo diɛ.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Hebreu 11:1

Laa na laa ɓaa: Mɛ̨nįi nu ɲɛ̨i hvo mą, ə́ kilitɔɔmą, yɛ́ kɛ gaa kɛa ə́ yəi, a kpaaləi yá mɛ̨nį kili kɔlɔn na a tɛ̨ą, ə́ ɲɛ̨i hvo mą.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 6:15

Yii kpɔ Abrahamə ə niikpələ, ə mɛ̨nį laakwɛlanmoɔi tii, laa honŋąą kaa.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,