Hebreu 10:24 - Yálá laawoo hɛɓɛ (dc)

²⁴ 'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Yálá laawoo hɛɓɛ

²⁴ 'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Bible

²⁴ É lɛ́ɛ kúkili ŋá berei kwa pɔ̂ri wɛli-kɛ-maa pui la kúkîe-ni kponôi da tíi lɛ́lɛɛ kɛɛi.

Hebreu 10:24 ပူးပေါင်းရင်းမြစ်များ

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Hanwon 29:7

Tələnmomun ə mąąwɛli nuą di mąą mɛ̨nį nwun gɔlɔn. Nwąnąlmun nwɛi kili hvo mą yɛ ŋąhiɛ yili ɓa.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Lomaŋ 11:4

Kɛlaa, Yálá ə nwoo ŋąą pənə ləi? Ə kɛ mą: «Ŋą́ą́ nu waa mɛ̨ihveelɛ hee ɲéé pulu, diɛi di hvo kwɛli hvilɛn ni Baalə ɓa.»

Lomaŋ 12:15

Nuąi da kɛ kwəinɛ̨ɛ̨ hu, ka diɛni ka gwəinɛ̨ɛ̨ tii kulɔ, nuąi da kɛi wɔlɔ, ka diɛ ni ka wɔlɔ.

Korɛntə dɔlɔɔ 10:33

Yili ɓə a gɛ, ɲą́ą́ gbínįi ŋą́ tɔɔ a nwą́ną́i, gɛ́ gbɔ́wɔ́ lɛlɛ pələ kwɛli nu kəlee ɲɛ̨i ɓa mɛ̨nį kəlee hu, a gbɔ́wɔ́ tɔ̨nɔ̨i vá gwɛli, kɛlaa, nu kpulu kɛnɛ̨ nwɛi, ə gɛ, di nwun mąą ə ɓo.

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Korɛntə veelɛ 8:8

Və́ moi yɛ ŋą́ kɛli tɔ́n naa ká mɛ̨i yili hu, kɛlaa, ŋą́ kɛi nu takpɛliɠaa kwəinɛ̨ɛ̨ pələ hukulɔ káá, gáá bɔ ká ká wɔɔ wɛlikɛmąąlaa lɛ kpɔ ɉu a neelee.

Korɛntə veelɛ 9:2

Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Tɛsalonikə veelɛ 3:9

Yili mąą laa kaa ku yəi, kɛlaa, ku kɛ bɔ, ku kɛ ká lɔwai, a nuąi ká di pɔɔ kɔɔn.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Taitɔ 2:4

diɛ hilɛtai-nɛ̨ąą mąąkwɛli a di lɛɛ pələ di hilɛni woo mu, diɛ di lonnii wɛlila kɛ,

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.