Hebreu 10:23 - Yálá laawoo hɛɓɛ (dc)

²³ Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Yálá laawoo hɛɓɛ

²³ Gu hvo kpɛlin, 'ká gu kɛ lɔ gu wɔɔ kilitɔɔmąą woo laa həli a yələ kəlee, mąąhɔlɔɓo, nui ŋɛ̨i mɛ̨nį laakwɛlanmo guɔ, a kulɔ nwoo ɓa.

Bible

²³ Kwaa kúkili-kɛ-zui sóŋ a gbanaŋɔɔ nyíi kwa mòi, kúfe siɣe kútɔɔ̂i, kpɛ́ni fêi, ǹúui gono-teei kɛ̀i, zã́âi.

Hebreu 10:23 ပူးပေါင်းရင်းမြစ်များ

Mąątɛ̨nɛ̨ 26:1

Davidə nwɔ wələ woo. Yai-Laa, mą́ą́ tɛ̨ą ɓo, mąąhɔlɔɓo, gáá hiɛi a kwəi kwələlaa, ɛlɛɛ, yii kpɔ gílitɔɔ Yai-Laa ɓa, vá tɔɔ takpa takpa.

Woolaa 3:23

Di gaa lɔ a di nįnɛ̨ yələwala kəlee. Yai-Laa! Ə́ wɔ kulɔ nwoo ɓalaa hu kɛnɛ̨i

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Korɛntə dɔlɔɔ 10:13

Ɲąąhɛn mɛ̨nįɠaai həli káá, bɛliɛi lɔ nu kanma, Yálá a kulɔ nwoo ɓa, hvo pai nɛɛi laa, di hvo ká ɲąąhɛn, hvo tɛɛ ká hvaŋą ɓa. Ɲąąhɛn mɛ̨nį a həli káá, a ká kulɔ ɉu pələ lɛ káá, a hvaŋą tɛɛ ká pɔ, káá pɛli mu.

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Tɛsalonikə dɔlɔɔ 5:24

Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Tɛsalonikə veelɛ 3:3

Gu Ną́mu a kulɔ nwoo ɓa, ya ɓə pai ká hvaŋąlɔi, yɛ ká mąąkɔ̨nwɔ̨ mɛ̨nį ɲɔ̨n ɲəi.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 11:11

Laa na laa háálai ɓə gɛ, Sara yaa kpɛlimąn, bələi mąn bɔlɔɔ kɛ la, ə lon ɉɔlɔɓo, mąąhɔlɔɓo, nui mɛ̨nį laakwɛlanmo diɛ, ə laa na, yɛ, a kulɔ nwoo ɓa.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 3:14

Guɔ ka kɛa gwaa kɛ kɛa a Kristə mɛlaani, akɛ, gwa lɛɛ lɔ tɔɔni gu tɔɔ kilitɔɔmąą laa hu, ə lɛɛ la ɉu ɲąąkpɛɛ yələ.

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 4:14

Yii kani haláá laa həli mun gɛnɛ̨mun gaa ká gu yəi, a Yálá Lon Jesus, yai yələkɔlɔn ɉuɓɔ, 'ká gu naa na laa wooi ŋɛ̨i hon gani kpąą.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Zĩi 1:6

Kɛlaa, mąą nu ə vɛli a laa na laa, ɲinɛ̨n-ɲinɛ̨n və kɛ ɉu; mąąhɔlɔɓo, nui a ɲinɛ̨n-ɲinɛ̨n gɛ pələ kaa yɛ, laakpala yii hvaŋą a ɲɛ̨i pənə ɓɛ pələi lɔpee gaa bɔ.

M̀ɛni-lɛɛi 3:11

Gáá pai yiihu. Yii gaa ə́ yəi, ə́ yee kąnąn mą kpąą, əgɛ, nu ta hvo pa ə́ wɔ ɓɔlɔi həɠə ə́ yəi.