Hebreu 10:22 - Yálá laawoo hɛɓɛ (dc)

²² 'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Yálá laawoo hɛɓɛ

²² 'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Bible

²² kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Hebreu 10:22 ပူးပေါင်းရင်းမြစ်များ

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Kɔlɔnikɔ Maa-ŋuŋ 12:33

Isakarə lonnii lɔwai, nuąi kɛ a mɛ̨nį kɔ́lɔn nuą kpɛa-kpɛaa, diɛi kɛ Israɛlə dinąą kɔ́lɔn, di kɛ a nu nwun veelɛ, diɛ ɓo di kaayɔwɔɠaa nwun na, diɛ ɓo di yee mu.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Mąątɛ̨nɛ̨ 111:1

'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:145

Gáá ə́ təlii a nwą́ną́i Yai-Laa! 'Nwóó mu hon, əgɛ, ŋą́ ə́ liiɓa mɛ̨nįɠaa kɛ.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:58

Gáá kpɔ tɔɔi a nwą́nąi, ŋą́ ə́ líiɓa kɛ, kpɔnmąą tɛɛ bɔ́, yɛ ɓələi ə́ mo la.

Mąątɛ̨nɛ̨ 119:69

Kpɔwɔ ɲąąkɛnɛ̨ nuą daa náá kala a di wɔ lɛɛ wooɠaa, nwɛ́i, gáá ə́ wɔ tiɓoɠaai pulu gwə́i tɔ̨nɔ̨ mɛ̨i.

Mąątɛ̨nɛ̨ 119:7

Gáá pai kɛi ə́ laa tɛi a gwə́i kwəlɛɛ, gɛ́ ə́ wɔ tələnmo wooɠaai mąąkwɛli.

Mąątɛ̨nɛ̨ 119:80

'Gɛ ŋą́ hvilɛn ə́ tɔn nwɔ nwooɠaai pulu a neelee, əgɛ, nwumɛ̨ hvo pa tɛ a ɲą́ą́.

Mąątɛ̨nɛ̨ 32:11

'Ka kwəinɛ̨ɛ̨ kulɔ Yai-Laa mąą mɛ̨nį hu, kaai a tələnmo nuąi, 'ka kɛ kwəinɛ̨ɛ̨ hu; ɛlɛɛ, kaai kpɔ a kwəi kwələ nuą, 'ka pili yələi a kwəinɛ̨ɛ̨.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Mąątɛ̨nɛ̨ 9:1

Nwələ ɲɛ̨itɔwɔmun, Davidə nwɔ wələ woo, ə doo a bɛlɛgwəi.

Mąątɛ̨nɛ̨ 94:15

Di kaa nwɔ̨nɔ̨ pai kiti teei a tələnmolaa, nuąi kpɔ tələnmo kili kaa diɛ, diɛ di yíi pələ kɔ́ɔn mą.

Lɛɛ gbɔwɔ ɓa 29:4

«Yá pa a Aarɔn da nonnii gee kaa pɛlɛ laaləi, ə́ di waa,

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 52:15

Yili ɓə gɛi, gaa pai hįį tamąą nɔ̨nwɔ̨ waai diɛ, yii kɛa tɔɔɓɛlaa di mo di hvo gɔlɔn, mąąhɔlɔɓo, yii di mo diɛ, da yii di kaa gaai di hvo tanɔ̨. Ɛlɛɛ, yii di kaa gaai, di hvo kɛ yili hukulɔ li diɛ.

Ɉeremi 24:7

Gáá pai kili tɛɛi di pɔ, diɛ pɛli gɔ́lɔn ɉii la, diɛ kɛ diɛ: Ɲą́ą́ ɓə gáá a Yai-Laa diɛ ɓo a nwɔ nuą, ɲą́ą́ ɓə a di wɔ Yálá; mąąhɔlɔɓo, da pənə di pa bɔ a di kwəi kwəlɛɛ.»

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉeremi 30:21

Nɔi lon da ɓə a kɛ a nwɔ tɔɔmun, ɲąąwooɓomun a kulɔ di lɔwai. Gáá hvaai ma yɛ mąą lɛɠɛ mą́ą́. Gbɛɛ kpɔ ɓə nii a pɛli kpələi yɛ mąą lɛɠɛ mą́ą́? Yai-Laa woo li.

Izikiɛ 16:9

Ŋą́ ə́ waa a yá; ɲąmąi ti kɛ nɔɔ yɛ́i, ŋį́ nwaa yɛ́; ŋį́ ə́ mąąti a wulɔ kun nɛ̨ɛ̨.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Levetekɔ 14:7

Yili pulu, nui ŋɛ̨i mąąnɛ̨ɛ̨ di mąą waa volóɲɔ̨n ɲəi, di da kpɛŋɛn mą, gee mɛ̨i mɛ̨ihveelɛ. Ə mo kɛa yɛ diɛ tɔ́n və mą, ə ɓo nwɛ̨ni hului tii ɓa ə li.

Levetekɔ 16:4

A ɉaláá həɠə too gwąną, ə dɛmą pu mą, ə kilən ɉəɠə kwəlɛɛ pə pə too gwąną yii gaa a ɓɛlaa ləɠa, hąą yili kɔ́lɔi a ɓɛlaa ləɠa ə ɲili ɉąą, yili pulu, ə həɠə ɓɛla kwəlɛɛ yili nwun ma a ɓɔlɔ. Ɉaláá kulɔ həɠəɠaa ka tii; a gbɛa gbinį waa, yili pulu ə ɉɛnŋąą tii kɛ mą.

Levetekɔ 8:6

Moisə ə Aarɔn tɔɔ da nonnii, ə di waa a ya.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Lonon mo 8:7

Bələi ə́ pai di mąąhəɠəi la, bələ ka: Nu mąąhəɠə yá taɠa diɛ, di kpəŋą hiɛ di kɔ́lɔ ɓa kəlee, di di mąą həɠə waa, a kɛ tii, di mąą aa həɠə.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Lukə 1:1

Nwɛ́li kɛ mąą mun Teofilə, yɛ pələi ə́ gbaɠala kɔ́lɔn na, mɛ̨nį kpɛa-kpɛaai ŋɛ̨i kɛ ɓɛ nɔi, nu tamąą daa gɔɠɔ tɔɔ diɛ hɛɓɛ́ pɛ̨ɛ̨ yɛ hvilɛn na mɛ̨nįɠaa tii ɓa.

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Ɉaan 8:9

Yii kɛa di nwoo tii mɛ̨n di kɛi kulɔ tɛitɛi ə gɔwɔ tɔɔ nu pɔlɔ pɔlɔɠaa diɛ, ə lɛɛ a Jesus yaa tɔ̨nɔ̨ gbən. Nɛ̨ɛ̨nui tii nwɛi, ə lɛɛ laa.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Gɛlaɠaa 8:21

Mɛ̨nįi ŋɛ̨i kɛi ɓɛ, ə́ wɔɔ nąą hvo ɉu, ə́ wɔɔ hɔlɔɓoi hvo laa, mąąhɔlɔɓo, ə́ kwəi hvo kwələ li Yálá ɲɛ̨i ɓa.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Ifisiɛŋ 6:5

Luwɔɠaa, ká nąmįnąi di kaa ɓɛ lɔi mɛ̨i, 'ká lɛɛ ká woo mu a ɲɔwmąąlaa da mąąkpɛlin, a ká kwəi kwɛlɛɛ, yɛ ká kɛli gɛ Kristə ɓa;

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.

Hebreu 10:19

Yili ɓa tii, ną́n nonnii, kilitɔɔmąą laa walawala kaa kani ká gu yəi, guɔ pɛli lɛɠɛi la, gɛɛnąą mąąhəɠɛɛ hva-hva ɓa Jesus ɲąmą háálai.

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Hebreu 7:19

Gbala ə tɔɔ, dɔ́n və pɛli mɛ̨nį kəlee laa kulɔi; kɛlaa kilitɔɔmąą laa hviɛlaɓoɔ aa pa, yaa ɉáálai, gwa pɛli gu gu mąąlɛɠɛ Yálá ɓa.

Hebreu 9:10

Kɛlaa, yiliɠaai kɔwɔ hvilɛnŋąąi lɔ kɛ, laa mįi mə̨nį, da kpələ hɛn mɛ̨nį, da nu mąą waa pələɠaa diɛ, dɔ́nŋaa tii di kɛ lɔ a ɲɛ̨i kɛ mąą, ə lɛɛ ɉu, ɲələ leelee yɛ həli mą.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Zĩi 1:6

Kɛlaa, mąą nu ə vɛli a laa na laa, ɲinɛ̨n-ɲinɛ̨n və kɛ ɉu; mąąhɔlɔɓo, nui a ɲinɛ̨n-ɲinɛ̨n gɛ pələ kaa yɛ, laakpala yii hvaŋą a ɲɛ̨i pənə ɓɛ pələi lɔpee gaa bɔ.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,