Hanwon 4:17 - Yálá laawoo hɛɓɛ (dc)

¹⁷ Mąąhɔlɔɓo, di kɔ̨nɔ̨n mąą mɛ̨nį ɲɔ̨n, too mɛ̨i ɓə gaa a di kpələ lɔɔ.

Yálá laawoo hɛɓɛ

¹⁷ Mąąhɔlɔɓo, di kɔ̨nɔ̨n mąą mɛ̨nį ɲɔ̨n, too mɛ̨i ɓə gaa a di kpələ lɔɔ.

Bible

¹⁷ Gbóloi da mìi, da zɔlɔ ƃô ŋwana-lɔɔ kɛ́ɛ su. Ŋwãai da gbèlei, da zɔlɔ ƃó wôya-pere su.

Hanwon 4:17 ပူးပေါင်းရင်းမြစ်များ

Mąątɛ̨nɛ̨ 14:4

Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Hanwon 13:2

Nui vaa woo nɛ̨ɛ̨ a gɔ̨nɔ̨n nɛlɛɛ hɔlɔɓo. Kɛlaa, nuąi da di woo kala, di wɔ yɛnɛ̨ɛ̨ kaa lɔ a wea.

Hanwon 20:17

Nwuɔ̨ kɔ̨nɔ̨n nɛ̨ɛ̨i a gɔwɔ tɔɔ yələ, Kɛlaa, yili pulu nu ya nɔ kɛa ə́ la, gaa a kwɛni wɛan.

Hanwon 9:17

«Nwuɔ̨ yá nɛ̨ɛ̨i, ɛlɛɛ, kɔ̨nɔ̨n nu a ɉəɠə nąmu pulu, nɛ̨ɛ̨i.»

Azaya 5:18

Kpalo ɓɛlaai diɛ, da nɛ̨ŋɛ̨n ɲala di kɔ́wɔ pɔ, a nu ɓowo gɔtɔ yɛli, da túwɔ́ pələ ɲɔ̨n, yɛ nu a kɛi wotolo yala.

Azaya 5:20

Kpalo ɓɛlaai diɛ, da mɛ̨nį ɲɔ̨nwɔ̨ɔ̨ laa hee a nɛlɛɛ, diɛ mɛ̨nį nɛlɛɛ laa hee a ɲɔ̨nwɔ̨ɔ̨, diɛ kɛɛ pɔ̨nɔ̨ laa hee a kpinį, diɛ kpinį laa hee a kɛɛ pɔ̨nɔ̨; ɉɛn nwąnąą, diɛ naa hee a nəɠən ŋąą, ɉɛn nəɠən ŋąą, diɛ naa hee a nwąnąą.

Ɉeremi 9:4

Diɛ di kee ni ɓowo. Nu ta hva tɛ̨ą ɓo, daa di nɛn mąą kwɛli lɛɛ kɛɛ ɓa. Daa kala, di hva kɛa pɛli pənəi di hvo pa bɔ́. Di hɔn mąą hva kɛa hvalin.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Mise 6:12

Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.