Hanwon 31:30 - Yálá laawoo hɛɓɛ (dc)

³⁰ Mɛ̨inɛ̨ɛ̨ a nu ɓowo, lɛlɛ hva lamun ɉu. Nɛ̨ɛ̨nui a ɲɔw Yai-Laa ɓa, ya ɓə mąąnɛ̨ɛ̨ di mąątɛ̨nɛ̨.

Yálá laawoo hɛɓɛ

³⁰ Mɛ̨inɛ̨ɛ̨ a nu ɓowo, lɛlɛ hva lamun ɉu. Nɛ̨ɛ̨nui a ɲɔw Yai-Laa ɓa, ya ɓə mąąnɛ̨ɛ̨ di mąątɛ̨nɛ̨.

Bible

³⁰ Nɛnî lóno-woo lɛ́lɛɛ ǹá a núu pɛ̀lɛ. Núu ŋɔlɛ́lɛ-laa kɛ́ pù, kɛ́lɛ nɛnî nyii a yâo Ɣâla Yâwɛɛ mai, nûa da ǹáa-maa tɛ̀.

Hanwon 31:30 ပူးပေါင်းရင်းမြစ်များ

Samia Veerɛi 14:25

Israɛlə lɔi hu, nu ta hvo kɛ laa nɛlɛɛ yɛ Absalɔn, naa tɛɛ yɛ yaa, ə həɠə gɔwɔŋa ə həli la nwuɔ̨, maa kulɔi hvo kɛ mą.

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 11:16

Kili mɛ̨nį a ɲɛ̨i kɛ yɛ́, hva pɛli ə́ wəli tɔɔi nwɛ̨ą nɛ̨ɛ̨nu nwɔ gbanalaa woo ɓa.

Hanwon 11:22

Kɛlaa, nwąnąlɔ nuą, da nuąi di hvo haŋą li, da di kpɛ nɔi.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Hanwon 31:29

«Nɛ̨ąą tamąą daa di wɔ kpakololaa lɛ, Kɛlaa, ə́ wɛi yee tɛɛi gəlee ɓa!»

Hanwon 31:31

Ka nɛ̨ɛ̨nui tii kɛ koló tɔlɔ tɛɛ bɔ, ɛlɛɛ, gɛ kolóɠaa di naa lɛlɛɛ tɛ daa nąą kɔlɔ kəlee.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.

Piɛrə dɔlɔɔ 1:24

Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,