Hanwon 30:8 - Yálá laawoo hɛɓɛ (dc)

⁸ Gɛ́ ə́ lɛɛ mɛ̨nį mąą kwɛa mą́ą́, da ɓowo mɛ̨nį. 'Hvó gɛ́ a yeehvowolomun, 'Hvó nwɔ̨nɔ̨ gɛ́ hɛn gɔw kɛnɛ̨ nąmu kɛnɛ̨; yii bɛliɛ mą́ą́kpaan ma, dɛɛ bɔ́.

Yálá laawoo hɛɓɛ

⁸ Gɛ́ ə́ lɛɛ mɛ̨nį mąą kwɛa mą́ą́, da ɓowo mɛ̨nį. 'Hvó gɛ́ a yeehvowolomun, 'Hvó nwɔ̨nɔ̨ gɛ́ hɛn gɔw kɛnɛ̨ nąmu kɛnɛ̨; yii bɛliɛ mą́ą́kpaan ma, dɛɛ bɔ́.

Bible

⁸ Wôya-mɛni kúla ŋ́gbonôi da lɛ́ɛ-mɛni. Ífe kôlo-laa tɛ̀ɛ ḿbɔ kpaa máŋ tɔɔ-laa. M̀ii-sɛŋ tɛ́ɛ ḿbɔ nyii í gɔ́lɔŋ ǹɛ̂lɛɛi ḿɛni mai.

Hanwon 30:8 ပူးပေါင်းရင်းမြစ်များ

Zɛnɛse 28:20

Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ,

Tɔɔɓɛlaa veelɛ 25:30

Bələ ɓə Yoyakin nwɔ hvóló tɛitɛi kɔ̨nɔ̨n ə kɛ la tɔɔmun Ewilə-Merodakə nwuɔ̨ hvóló kəlee ə lɛɛ la ɉu ə haa.

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Mąątɛ̨nɛ̨ 119:29

'Mą́ą́kwɛa lɛɛ mɛ̨nį ɓa, ə́ wɔ tɔn nwooi pulu mɛ̨inɛ̨ɛ̨ kɛ mą́ą́.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Lɛɛ gbɔwɔ ɓa 16:15

Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Lɛɛ gbɔwɔ ɓa 16:18

Gɔɔn di mo gəgən ɉu, nui ɉəɠə kɛnɛ̨, nwɛi hvo tɛɛ mɛlaa di wɛi ɓa, nui ɉəɠə tiikpə, nwɛi hvo too mɛlaa di wɛi mu. Yii lɔ nu tɛitɛi a pɛli mįi, yaa lɔ ɓə kɛ ɲəi.

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

Hanwon 13:5

Lɛɛmun nwɛli hvo tələnmomun ma. Kɛlaa, nwąnąlɔmun a nu laa kala, yɛ mɛlɛkpɛɛ mą.

Hanwon 21:6

Hɛn gɔw kɛnɛ̨ hɔlɔɓoɔ a nu ɓowo wooɠaa, gaa a nuąi haa kwɛlii di ɓowo hɛn.

Hanwon 22:8

Nui a hɛlɛn dɛ a hvįikpɛɛ, laanɔ̨nwɔ̨ ɓə a gulɔ. Nwɔ lii pɔ tee laa kɔ́lɔ a haa mą.

Hanwon 23:5

Mąąhɔlɔɓo, ɓɛlɔwai ə́ ɲɛ̨i a tɔɔ la mą, yɛ́ kɛ yaa ɉon, nąąlɔwai ɓə a kwɛlɛɛn na, a kɛ yɛ goon a kɛ mą, ə koon yɛ tɛ yələ kwəi yɛ nwɛ̨nį kɛnɛ̨.

Hanwon 30:7

Nwɔ́ Yálá, mɛ̨nį hveelɛ ɓə gáá ɉu hvɛlii yɛ́, di tɛɛ bɔ́, gɛɛ və́ tɛɠa pa kɛ haai, 'Hvó lənə mą.

Ikilisiati 1:2

kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Azaya 5:18

Kpalo ɓɛlaai diɛ, da nɛ̨ŋɛ̨n ɲala di kɔ́wɔ pɔ, a nu ɓowo gɔtɔ yɛli, da túwɔ́ pələ ɲɔ̨n, yɛ nu a kɛi wotolo yala.

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Ɉeremi 37:21

Yili ɓə gɛ, tɔɔmun Sedesiasə ə mo, di Ɉeremi lɛɛ tɔɔmun mąąkpɛ nuą yəi gwəlii, ɛlɛɛ, diɛ lɛɠɛ kpinįn dɛɛ bɔ hvóló tɛitɛi yeemu, diɛ ɉəɠə nɛɠɛ kɛ nuą pɔɔli, ə lɛɛ ɉu, kɔnɔ̨n ə kpɛɛ daai. Bələ ɓə Ɉeremi ə lɛɛ la dɔɔ pɛlɛ́ mąąkpɛ nuą yəi gwəlii.

Ɉeremi 52:34

Yoyakimə laa hɔnmo mɛ̨nį, Babilonə tɔɔmun mə kɛi ɲɛ̨i kulɔ a yələ kəlee da nwɔɔ, nwɔ yɛnɛ̨ɛ̨ kəlee yee mu, əlɛɛɉu, ə haa la.

Maafîu 6:11

Háákələi kɔ̨nɔ̨n dɛɛ ku pɔ.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Lukə 11:3

Kɔ̨nɔ̨n yii bɛliɛ kuɔ a hvóló kəlee yili tɛɛ ku pɔ.

Ɉaan 2:8

Jesus ə mo kɛa diɛ yɛ diɛ: «Ka ɲái tii ta haɠa kɛa ɉu ka li la nu kpulu nwun nąmu pɔ.» Di Ɉaɠa ɉu də li la bɔ.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.