Hanwon 3:7 - Yálá laawoo hɛɓɛ (dc)

⁷ 'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Yálá laawoo hɛɓɛ

⁷ 'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Bible

⁷ Ífe íkpîŋ sìɣe a táre-nuu. Yao Ɣâla Yâwɛɛ ma, í ípôlu tɔɔ mɛni nyɔ́mɔɔ kɛ́ɛ ma.

Hanwon 3:7 ပူးပေါင်းရင်းမြစ်များ

Samia Veerɛi 12:20

Davidə ə muhəɠə kɛa nɔi ɓa, ə nwaa ə mąątí, ə həɠə lɛlɛɛ kɛ mą; ə li Yai-Laa yəi bɛlɛ́n, ə kwɛli hvilɛn ma. Ə həɠə laa ə pa ɲəi bɛlɛ́n, ə mo di kɔ̨nɔ̨n dɛɛ bɔ, ə mįi.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 14:27

Ɲɔw Yai-Laa ɓa, kaa a yɛnɛ̨ɛ̨ yáton, ya ɓə a gɛ nu yɛ haa nwɔ ɓaaləɠaa mąąlaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 23:4

'Hvó ə kpɔwɔ hviikpɛɛ, yɛ́ kɛ ə́ kaa kɛi a hɛn gɔw nąmu, 'hvó ə́ níí laa yili mɛ̨i.

Hanwon 26:12

Yá nu ta kaa, yɛ gbɔwɔ kɛ a kilimąą mun? Nu kilitɔɔ kilikpɛɛgwəi mun ma, viɛlaɓoɔi nu taaləi tii ɓa.

Hanwon 26:5

Kilikpɛɛɲəimun nwoo ɲąą pənə a nwɔ hupumąą woo, əgɛ hvo pa gbɔwɔ kaa yɛ kilimąą mun.

Hanwon 28:11

Hɛn gɔw nąmu, a gbɔwɔ kaa lɔ a kilimąą mun. Kɛlaa, yeehvowolomun yii kili kaa mą, a ɉɛn gɔw nąmui tii pulu kulɔi.

Hanwon 28:26

Nui a gilitɔɔ gbɔwɔ ɓa, ɓowomun ni. Kɛlaa, nui a hiɛ a kilikɛɲəilaa, mąą nu a ɓalo.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Azaya 5:21

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.