Hanwon 29:25 - Yálá laawoo hɛɓɛ (dc)

²⁵ Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Yálá laawoo hɛɓɛ

²⁵ Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Bible

²⁵ Núu-kpune ŋɔyao-maai káa yɛ̂ɛ ƃáre, kɛ́lɛ ǹúui ǹâai a Ɣâla Yâwɛɛi, ŋuŋ maa ƃôɔi.

Hanwon 29:25 ပူးပေါင်းရင်းမြစ်များ

Zɛnɛse 20:11

Abrahamə ə nwoo ŋąąpənə, yɛ mą: «Ə kɛ gwə́i ɓɛ nɔi nuą di hva ɲɔw Yálá ɓa, gɛ́ diɛ: ‹Gbəli hu, di kaa pai báái, nɛ̨́ą mąą mɛ̨nį ɓa.›

Zɛnɛse 20:2

Abrahamə ə kɛ Sara mąą mɛ̨nį ɓa: «Mą́ą́hala ka tii.» Kɛlaa Gerarə tɔɔmun Abimelɛkə ə Sara həɠə.

Zɛnɛse 26:7

Nɔi tii hu nuą, di Isaakə mąąnikɛ nɛ̨ą mąą mɛ̨nį hu, diɛ mą: «Ə́ wɔ gbɛɛ ɓəi?» Ə di woo ŋąąpənə yɛ diɛ: «Mą́ą́hala li.» Mąąhɔlɔɓo, ə kɛi ɲɔw kɛi diɛ: «Nɛ̨́ą li.» Ə gɛ, nɔi tii hu nuą di hvo pa kɛ baa, mąąhɔlɔɓo, Rebeka lɛlɛɛi kɛ.

Tɔɔɓɛlaa dɔlɔɔ 19:3

Bələ mɛ̨n Eli ə mo, ə pu, ə bɔmun nɛɛ laa, yɛ li mąąkilɛi Beɛrə-Seva, yai kɛ a Ɉuda taa ta.

Kɔlɔnikɔ Maa-ŋuŋ 5:20

Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Mąątɛ̨nɛ̨ 118:8

Nu ya ə́ lɛɛ ɲəi kɛ Yai-Laa ɓa, yili hviɛlaɓoɔi, ə tɛɛ nu lɛɛ ɲəi kɛɛ nuą diɛ, ɓa.

Mąątɛ̨nɛ̨ 119:117

'Ə́ yee hee mú, ə gɛ ŋį́ ɓalo, ɛlɛɛ, ə́ wɔ tíɓoɠaai di hvo pai kulɔi gílí pɔ.

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 69:29

Di laa ə waa yɛnɛ̨ɛ̨ hva kpɛɛ hɛɓɛ́ hu, di laa hvo kɛa too tələnmo nuą laa pɔ.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Hanwon 16:20

Nui a giliŋąhiɛ yɛ mɛ̨nį ɓo, a kulɔ ɉu a nɛlɛɛ. Nui nwɔ̨nɔ̨ a nɛɛ ɲəi kɛ Yai-Laa ɓa, nwun na nɛ̨ɛ̨ lon ni.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Ikilisiati 7:18

Mąąnɛ̨ɛ̨, nu ə nwɔ yɛnɛ̨ɛ̨ kɛ niɛwoo hveelɛi tii mɛ̨i. Mąąhɔlɔɓo, nui a mąąwiɛ tɛɛ Yálá pɔ, mɛ̨nįɠaai tii moɔ, hva pɛli gɛi.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Danîa 6:23

Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Maafîu 15:12

Jesus nwɔ kalan nɛai di lɛɠɛ mą diɛ mą: «Ə́ gɔlɔn yɛ diɛ mɛ̨nįɠaa ŋɛ̨i ə́ mo Farisiɛ̨ɠaa, diɛ aa kɛ yɛ kwɛi kɔ́wɔ a kpəɲan di tɔwɔ?»

Lukə 12:4

«Gáá moi kaa, kaa ŋɛ̨i a mɛ́laa ni: Nui a nu kɔ́lɔ paa, hva pɛli hɛn da kɛi a níí, ka hvo ɲɔw mą.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Nwun mąąɓo 16:11

Samsɔn yɛ mą: «Akɛ da ɲili a yɛli nįnɛ̨ yii di hvo ni kóló kɛ li la, vįi a kpɛɛ, vá pɛli kɔ́i.»

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Samuɛlə dɔlɔɔ 21:13

Davidə ə giliŋąhiɛ nwooɠaa tii hu, ə ɲɔw kpɔ kɛnɛ̨ Gatə tɔɔmun Akisə ɓa.

Samuɛlə dɔlɔɔ 27:1

Davidə ə mo gwəi pələ, yɛ kɛ mą: «yələ ta, ə kɛ a pələ lɔpee, gbəli hu, Saulə kaa pai báái, mɛ̨nįi ŋɛ̨i hon bələ takpɛli hvo laa, hvo kɛ li lɔ ŋą́ mą́ą́kilɛ Filisti nuą pɔɔli, Saulə kaa pai kpɛlai gwɛ́liɛ ɓa Israɛlə lɔi kɔ́lɔ kəlee, gúlɔ pələ lɔ ka tii ɲəi.»

Samuɛlə dɔlɔɔ 27:11

Davidə hvo kɛi hvaa mą di hvo pa Gatə a nu ta yii a kɛ a vulú, ə kɛ a nɛ̨ɛ̨nu, ə kɛ a hulɔnu. Ə kɛi ɲɔw, yɛ diɛ di hvo pa nee ku pulu kulɔ, diɛ kɛ mą: «Bələi Davidə a gɛ la bələ ka.» Bələ ɓə Davidə ə kɛi túwɔ́ la, ɓɛlɔwai kpɔ tii ə kɛ la Filisti nuą di wɔ lɔi hu.