Hanwon 29:23 - Yálá laawoo hɛɓɛ (dc)

²³ Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Yálá laawoo hɛɓɛ

²³ Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Bible

²³ Su-mɛni kɛ̂tɛ a núu su kàra, kɛ́lɛ ǹúui ǹíi-maa yeŋɔɔ̂i a ƃaa-kɛ-maa sɔlɔ ƃô.

Hanwon 29:23 ပူးပေါင်းရင်းမြစ်များ

Zôo 22:29

Ə mą kɛ nuą ɓə daa too, ya pɛli di muhəɠəi, mąąhɔlɔɓo, nui a nwun mąą yɛɛ, a muhəɠə.

Zôo 40:12

Ə́ ɲɛ̨i hee kpɔɔ ɲąąkɛnɛ nuą diɛ, ə́ di huyali, Ə́ mɛ̨nį ɲɔ̨n gɛ nuą huwolo.

Hanwon 11:2

Ə́ wəli tɔɔ kilimąą woo ɓa Ə́ ŋąą wala, ə́ gbaɠala kaa.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 16:19

Ka kpɔwɔ mąą yɛɛ nuą ka kɛɛ ka kee ɓa, hviɛlaɓoɔi ə tɛɛ ka kpɔwɔ ɲąą kɛnɛ̨ nuą ka kɛɛ hɛn gɔw ɲąąkwɛlɛi ɓa.

Hanwon 17:19

Nui hvaa wɛli kaa mą, nɛ̨ŋɛ̨n nwɛli kaa mą, nui a pələ ɓo yaɠayaɠa, ɲee a lɛɛ ɉu.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Abdiasə 1:3

Ə́ wɔ huɲąŋą kɛnɛ̨ lalan bilɛɛ aa ə́ ɓowo, yɛ́i ə́ mąą tinɛ̨n ŋąą a kwɛni hįį, nu ta yee hvaa tɛɛ laa yɛ́. Ə́ heɛ mɔ̨ɔ̨ tii laa, ya kɛ kɛi ə́ kpɔwɔ ɓa: «Gbɛɛ ɓə pai gúlɔi ɓɛ?»

Maafîu 18:4

Yili ɓə gaa mą, nui a gbɔwɔ mąą yɛɛ ə kɛ yɛ nokoloi ŋɛ̨i ya ɓə a nu kɛnɛ̨ Yálá-taa tɔɔlaa hu.

Maafîu 23:12

Nui a gbɔwɔ ɲąą kɛnɛ̨, Yálá a tinąą mąą yɛɛ, nui a gbɔwɔ mąą yɛɛ, Yálá a tinąą gɛnɛ̨ ə dɛ tɔwɔ.»

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»