Hanwon 29:12 - Yálá laawoo hɛɓɛ (dc)

¹² Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Yálá laawoo hɛɓɛ

¹² Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Bible

¹² À kɛ̀ kâloŋ a ŋ̀óli tɔ̀ɔ lɛ́ɛ ma, gɛ̀ ní ŋɔtíi kɛ́-ƃelai kélee da kɛ̂ a ŋwana-lɔɔ-ƃela.

Hanwon 29:12 ပူးပေါင်းရင်းမြစ်များ

Zɛnɛse 39:19

Ɓɛlɔwai Potifarə nɛ̨ą ə nwoo hukulɔi tii kɛ la mą yɛ hvilɛn Ɉosɛfə ɓa, nii ə kələn gbɔ gwəi kɛnɛ̨.

Tɔɔɓɛlaa dɔlɔɔ 12:14

Ə hvaa nuą diɛ yɛ bələi ɉilɛlɛa di niɛwoo ɓo la, yɛ diɛ: «Ną́n ə ka wɔ tiŋɛ̨i wiɛ; ɲą́ą́n gáá pai ka wɔ tiɛ̨ wiɛ yee ta pɛlɛi mą. Ną́n ə ka hutɔɔ a hvaɠa, nwɛ́i, gáá pai ka hutɔɔi a galakpa, kwɛli ə ɓo ɉunwɔ̨ la.»

Tɔɔɓɛlaa veelɛ 21:9

Kɛlaa, Ɉuda nuą di hvo di wəli tɔɔ mą. Manase ə mɛ̨nįɠaa tii kəlee kala, ə tɛɛ la nɔiɠaa kpɔ Yai-Laa ə di kpɛ Israɛlə lonnii tɔwɔ di wɛi ɓa.

Hanwon 20:8

Tɔɔmun a kɛ heeni nwɔ kiti tee kpəlin hu, a mɛ̨nį ɲɔ̨n gəlee kulɔ ɉu kɛ a ɲɛ̨ikɔw.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Ɉeremi 37:2

Kɛlaa, mɛ̨nįɠaai Yai-Laa ə kɛi bu gwəi mɛ̨nį hukulɔ mun Ɉeremi la yɛ mo, nu ta hvo kɛi nwəli tɔɔ mą. Yɛ ə kɛ a dɔɔmun, nwɔ tínuą, da nɔi nąmįną.

Samuɛlə dɔlɔɔ 18:22

Saulə yɛ ɲee pɔ nuą diɛ; yɛ diɛ: «Ka mo Davidə ɓa, kaa mą: ‹Ə́ wɛli kaa Saulə ɓa, gaa ə́ wɔ́ mɛ̨inɛ̨ɛ̨ pɔ, ə lɛɛ ə́ wɛli kaa ɲee pɔ nuą diɛ, hvaa mą, ə́ kɛ a mɔlɔ.›»