Hanwon 28:16 - Yálá laawoo hɛɓɛ (dc)

¹⁶ Kili awala kɛ lɔi nąmu ɓa, a mɔ̨nɔ̨ kɛnɛ̨ laa nɔi lonnii mɛ̨i. Kɛlaa, nui hvulu hɛn ɉɔlɔɓoɔ wɛli hvo mą, ɲíi a kwɛa.

Yálá laawoo hɛɓɛ

¹⁶ Kili awala kɛ lɔi nąmu ɓa, a mɔ̨nɔ̨ kɛnɛ̨ laa nɔi lonnii mɛ̨i. Kɛlaa, nui hvulu hɛn ɉɔlɔɓoɔ wɛli hvo mą, ɲíi a kwɛa.

Bible

¹⁶ Kâloŋ nyii táre fé ŋuŋ sui, gáa a núu-mɔ̃lɛ-nuu, kɛ́lɛ ǹúui vé wôya-mɛni wɛlii nii, a tûa ɣele ma.

Hanwon 28:16 ပူးပေါင်းရင်းမြစ်များ

Tɔɔɓɛlaa dɔlɔɔ 12:10

Ɉilɛlɛa diɛ mą: «Bələi ə́ kaa pai hvaai la di pɔ bələ ka: Yá kɛ diɛ: Ɲéé kpiɛ lon bulu kɛnɛ̨i dɛɛ ną́n ɲee kɔ́nma.

Tɔɔɓɛlaa dɔlɔɔ 12:14

Ə hvaa nuą diɛ yɛ bələi ɉilɛlɛa di niɛwoo ɓo la, yɛ diɛ: «Ną́n ə ka wɔ tiŋɛ̨i wiɛ; ɲą́ą́n gáá pai ka wɔ tiɛ̨ wiɛ yee ta pɛlɛi mą. Ną́n ə ka hutɔɔ a hvaɠa, nwɛ́i, gáá pai ka hutɔɔi a galakpa, kwɛli ə ɓo ɉunwɔ̨ la.»

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Hanwon 15:27

Nui ɲee kaa nwumɛ̨ mɛ̨nį hu, a nwɔ pɛ́lɛ́i huwu-huwu ɓo, nui nɔgwəi hɛn nwɛli hvo mą, gaa pai lamun ɉii.

Ikilisiati 10:16

Lɔi ɉu tɔɔmun gaa a hulɔnon, ɛlɛɛ, ɉu ɲɛ̨itɔwɔ nuą, di laa mį́i mɛ̨nį lɔ ɓə di gɔlɔn, kpalo ɓɛlaai yili mąą lɔi ɓa.

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Azaya 3:12

Éé kə́! Nwɔ́ nu huwui! Nwɔ́ nu huwui laanɔ̨nwɔ̨ ɓomun gaa a tunun, nɛ̨ąą ɓə mun nɔi ɲąąwoo kaa di la; Éé kə́! Nwɔ́ nu huwui! Nuąi ka ɲɛ̨́i tɔwɔ di kaa ka lan ɉi, di kaa pələ lɛi kaa a viənŋąą.

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»