Hanwon 28:10 - Yálá laawoo hɛɓɛ (dc)

¹⁰ Nui a nu haŋąą lan, yɛ vilɛn pələ ɲɔ̨nwɔ̨ɔ̨ mɛ̨i, nɔwai tii ə dee, ɉunwɛ̨i ɲąmą a pu ɉu, Kɛlaa, nuąi di túwɔ́ pələ haŋąą, da nwun na nɛ̨ɛ̨ hɔlɔɓo a di kwɛlin.

Yálá laawoo hɛɓɛ

¹⁰ Nui a nu haŋąą lan, yɛ vilɛn pələ ɲɔ̨nwɔ̨ɔ̨ mɛ̨i, nɔwai tii ə dee, ɉunwɛ̨i ɲąmą a pu ɉu, Kɛlaa, nuąi di túwɔ́ pələ haŋąą, da nwun na nɛ̨ɛ̨ hɔlɔɓo a di kwɛlin.

Bible

¹⁰ Ǹúui a tɔ̃yâ-nuu kɛ̀ é sɔnyɔ̂ŋ kɛ́i, a pîli gbɔ́ɔi ƃare ŋá. Tɔ̃yâ-nuu a fela-fei lɛ́lɛɛ sɔlɔ ƃô.

Hanwon 28:10 ပူးပေါင်းရင်းမြစ်များ

Mąątɛ̨nɛ̨ 139:24

Gáá kpɔ a nɛlɛɛ, ə gɛ və́ pa ɉon a pələ ɲɔ̨n. 'Li a ɲą́ą́ ɓalo hva kpɛɛ pələ mɛ̨i.

Mąątɛ̨nɛ̨ 37:11

Kɛlaa, nɔi a lɛɛ a liilaa nuą di wɔɔ; liilaa a kɛ di yəi, di wəli pulu laɠiɛ.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Mąątɛ̨nɛ̨ 9:15

Gɛ́ pɛli kɛi lɔ ə́ mąątɛ̨nɛ̨ wələ tooi, Siɔn, gwəli-hɛ̨ąiɠaa, gɛ́ pili yələi máloi yá mo, mąą mɛ̨nį ɓa.

Hanwon 10:3

Yai-Laa hva tələnmomun nɛɛ laa pulu hvo naanɔ̨nwɔ̨ ɓo, Kɛlaa, a nwąnąlɔ nuą di wɔ lii pɔ tee hu kala.

Hanwon 15:6

Tələnmomun nwɔ pɛlɛ́ kaa a hɛn gɔw kɛnɛ̨, Kɛlaa, nu ɲɔ̨nwɔ̨ɔ̨ hɔlɔɓo hɛn a liihɛlɛn doo nu ɓa.

Hanwon 2:21

Mąąhɔlɔɓo, nu haŋąąɠaa di wɔɔ nɔi. Diɛ ɓə da hee laa.

Hanwon 21:20

Hɛn gɔwi yɛnɛ̨ɛ̨, da yɛnɛ̨ɛ̨ ɲąąnɛ̨ɛ̨, di kaa a kilimąą mun nwɔɔ, kilikpɛɛgwəi mun a gəlee hu kala.

Hanwon 26:27

Nui a lɔwa tee a too ɉu. Nui a kwɛni kpuwulu kiliɠilin, a pənə ə pa mɛ̨i.

Hanwon 28:18

Nui a hiɛ a gwəi kwɛlɛɛ, ɓalo. Kɛlaa, nui a mɛ̨nį hon a pələ hveelɛ, a too dɔ̨nɔ̨ hu.

Ikilisiati 10:8

Lɔwai nu a dee, ya ɓə a too ɉu. Nu a gala wolo tee mą, kaalə a tɛɛ laa ə ɲįn.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Hebreu 6:12

ká hvįi hvo kpɛɛ, kɛlaa, nuąi di liikpələ laa na laa pələ mɛ̨i, di kąnąn mą, di mɛ̨nį laakwɛlanmoɔ hɔlɔɓo, 'ká di pɔɔ kɔɔn.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Samuɛlə dɔlɔɔ 26:19

Nwɔ́ mɛ̨nį nąmu tɔɔmun, ə́ wəli tɔɔ yiihu ə́ wɔ tí mun woo ɓa: ‹Akɛ Yai-Laa ɓə ə́ ɲąątɔɔi mą́ą́, ə hvaa mą, haláá hɛn di kaa dɛɛi bɔ, yili ə niilaa. Kɛlaa, akɛ nuą ɓə, mąą nuąi di kɛ a nɛ̨ŋɛ̨n naa nuą Yai-Laa ɲɛ̨i ɓa. Hvo gai, daa gbɛ́ háákələi, yɛ́ gulɔ Yai-Laa nwɔ lɔi hu, diɛ kɛ mą́ą́: Li ə́ tí haliɠaa diɛ.›