Hanwon 28:1 - Yálá laawoo hɛɓɛ (dc)

¹ Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Yálá laawoo hɛɓɛ

¹ Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Bible

¹ Ŋwana-lɔ̂ɔ-nuu a pû à nɛ̃ɛ mà núu fé kɛ̀ gbɛ̂i, kɛ́lɛ tɔ̃yâ-nuu lii-kpeleɛ̂i yɛ̂ɛ yala-sulu.

Hanwon 28:1 ပူးပေါင်းရင်းမြစ်များ

Tɔɔɓɛlaa dɔlɔɔ 1:49

Adoniasə nwɔ nuą ŋɛ̨i ə di təli, di kəlee di mąą ə kpɛlin, di di muhəɠə, di taɠa taɠa.

Tɔɔɓɛlaa veelɛ 7:15

Yiliɠaa di lɛɛ Aramə nuą kpaalə ɓa, di həli Ɉurdɛn ɓa. Di həɠəɠaa kaa daɠa taɠaa Aramə nu pɔɔ ɲą, yai di kɛi ɓo mą diɛ doo da hɛn dakpɛliɠaa. Gɛlaɠaa tii di pənə di pa, di tɔɔmun gilaa pɔ̨nɔ̨.

Nehemi 6:11

Gɛ́ mą: «Ɲą́ą́! Ɲɔ́nwɔ̨ma a moɔ pu? Nu ləi ɓaa ɲą́ą́ yaai, ŋį́ pɛli lɔi Yálá hee pɛlɛ́ mu, gɛ́ lɛɛ a vúlú? Və́ lɔi laa.»

Zôo 15:21

Maa ɲɔw wooɠaa da too lɔ nwəlii a yələ kəlee, ɓɛlɔwai lɔ a liilaa yɛnɛ̨ɛ̨ hɔlɔɓo la, kɛlɛi nąąlɔwai, ɓə mɛ̨nį kalamun a wolo la ma.

Mąątɛ̨nɛ̨ 112:7

Hva ɲɔw diɛ-diɛ woo ɲɔ̨nwɔ̨ɔ̨ ɓa, niilaai gwəi, gilitɔɔ Ya-Laa ma,

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Lɛɛ gbɔwɔ ɓa 11:8

Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Hanwon 10:9

Nui a hiɛ tələnmo pələ mɛ̨i, gaa nɛ̨ɛ̨ hu. Kɛlaa, nui a hiɛ a pələ kpəlaan ŋąą, a kala həɠə gbɔwɔ mɛ̨i.

Hanwon 27:27

Ɓolu hááɠaa tɔɔ a gbulu kɛnɛ̨ɛ̨, yá pɛli ɲįnįyá kulɔi kɛnɛ̨ yɛ ə́ yəi bɛlɛ́n nuą kɔ̨nɔ̨n gɛ, yɛ ə́ yeemu nuąi laa hɔn mo.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Ɉeremi 20:4

Mąąhɔlɔɓo, mɛ̨nį Yai-Laa kaa moi, ya ka, yɛ diɛ: ‹Ə həɠə háákələi ɓa, gáá ə́ kɛi a mąą ɲɔw hɛn, ə́ kpɔɔ kpinįi yɛ́, da ə́ ɓɛlaa ni diɛ. Diɛi tii di kaa pai lɛɛi a di yowoɠaa di wɔ kɔ́ kɔ́ ɓɔwa kɔ̨nɔ̨n, yɛ́i ŋɛ̨i yá kɛ a gɛla. Gáá Ɉuda nuą lɛɛi Babilonə tɔɔmun ɲee kɔ́nma, Babilonə tɔɔmun gaa pai di paai a ɓɔwa kwɛaa.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Dutɛrɔnome 28:7

«Ɓɛlɔwai ka yowoɠaa da di muhəɠə la diɛ pɛlɛ kaa a kɔ́, Yai-Laa ka wɔ Yálái a di too ka kɔ́wɔ mu. Di kaa pai pai a pələ tɔ̨nɔ̨ diɛ wolo kaa, kɛlaa da pu ka tɔwɔ diɛ li a pələ mɛ̨ihveelɛ tee-tee.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.