Hanwon 26:23 - Yálá laawoo hɛɓɛ (dc)

²³ Wali kwɛlii gbo kaa mą, da ɉiɛ ləɠi kpɛli ɓa, gaa yɛ nui vaa woo nɛ̨ɛ̨, nii ɲɔ̨nwɔ̨ɔ̨ gwəi.

Yálá laawoo hɛɓɛ

²³ Wali kwɛlii gbo kaa mą, da ɉiɛ ləɠi kpɛli ɓa, gaa yɛ nui vaa woo nɛ̨ɛ̨, nii ɲɔ̨nwɔ̨ɔ̨ gwəi.

Bible

²³ La-nɛ̃ɛ-maa lôno kɛ́ɛ a gɛɛ í íkili-ŋa sîa nyɔ́mɔɔi mɛi pɛ́lɛ káa yɛ̂ɛ káne siáa pɔ̂rɔ-leɣi ma.

Hanwon 26:23 ပူးပေါင်းရင်းမြစ်များ

Hanwon 10:18

Nui a wɛlikpɛɛmąą mɛ̨i kpulu, nɛn gaa na hveelɛ. Nui a laamąąhiɛ kɛ, ɓowomun ni.

Hanwon 23:7

Mąąhɔlɔɓo, nwɔ kiliŋąhiɛ hu, a mɛ̨nįɠaa gwɛdɛn gulɔi, yɛ kɛ yɛ́: «Ə́ laa mįi, ə́ ə́ kpələ.» Kɛlaa, a tɛ̨ą, nwɔ kiliŋąhiɛ hva kɛ a nɛlɛɛ, yɛ hvilɛn na yɛ́.

Hanwon 25:4

Wali kwɛli hu hvaa, gbo a kulɔ mą, mąą a həɠə, kwɛliyɔwmun bɛli a hɛn nɛlɛɛ.

Hanwon 26:25

A kɛi wɛlikɛmąą woo ɓo, 'hvó ə́ kili kɛ mą. Mąąhɔlɔɓo, kiliŋąhiɛ ɲɔ̨nwɔ̨ɔ̨ tamąą kaa gwəi.

Hanwon 27:6

Ə́ ɓɛlan a ə́ túwɔ́ a ɲee kpuwulu, wɛlikɛmąą kɛlɛ ɓo li, ə́ yowo a ə́ nɛ̨nɛ̨ɓo, yili kaa a mąąɲɔw hɛn.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Maafîu 23:27

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa. Mąąhɔlɔɓo, ka káá yɛ kámą yii da mɛ̨i pələ kwələ, ya gaa yɛ ɉu pələ a kɛ a nəlɛɛ. A mɛ̨nį gɛ, nu kɔ́w lɔ ɓə puuni ɉu.

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.