Hanwon 25:2 - Yálá laawoo hɛɓɛ (dc)

² Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Yálá laawoo hɛɓɛ

² Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Bible

² Kwa ƃaa kɛ́-maa tɛ̀ɛ Ɣâla pɔ́ kpɛ́ni fêi a gɛ́ mɛ̂ni-ŋai lòo kûa, kú kɛ́ ƃaa kɛ́-maa tɛ̀ɛ kâloŋ-ŋa pɔ́ kpɛ́ni fêi da mɛni ŋáa lɛ́ kûa.

Hanwon 25:2 ပူးပေါင်းရင်းမြစ်များ

Samia Veerɛi 1:5

Davidə ə nwɛlɛɛ ɓo hulɔnon tii mąąnin gɛ, yɛ mą: «Ə́ gbaɠala kaa ləi, yɛ́ kɛ, Saulə ə haa, ə mą kɛ non Ɉonatan?»

Samia Veerɛi 14:19

Tɔɔmun yɛ mą: «Kɛlɛi Ɉoabə ɓə ə́ yee pili mɛ̨nįi ŋɛ̨i hu-ee?» Nɛ̨ɛ̨nui ə nwoo pulu pənə yɛ mą: «Gána nwun ə báá, nwɔ́ mɛ̨nį nąmu tɔɔmun, yii lɔpee ya mo nu hva pɛli lii ŋɛ̨i hvo li ŋɛ̨i, gaa tii ə́ wɔ́ tímun Ɉoabə ɓə dɔ́ɔ́. Mɛ̨nįɠaai kpɔ kɛ mąąnɛ̨ɛ̨ ŋą́ mo, ya ɓə di lɔ ná.

Ɛsdrasə 4:15

ku kaa bɔ, ɉɛɓɛ́i tii ə́ nąn di wɔ mɛ̨nį pɔlɔɠaa pɛ̨ɛ̨ kaa ɉu, ɉu pili. Gwa ɉɛɓɛ́i tii hu kaa, ə́ kaa pai mɛ̨nį ta pɛ̨ɛ̨ kaai laa daai ŋɛ̨i laa mɛ̨i, diɛ kɛ mą: Kwɛli tee taa li, dɔ̨nɔ̨ hvo mą dɔɔɓɛlaa diɛ, da goɓitaaɠaa. Ɉɛɓɛ́i tii a nɛ yɛ, daai ŋɛ̨i, ɉu nuą di wɔlɔ kɛi di kwɛli tee. Mɛ̨nįi gɛ daa wolɔɔ la ya li.

Ɛsdrasə 4:19

Pələi ŋɛ̨i ka mo la, ŋį́ nuą tí, daa ɉɛɓɛ́ɠaa hu kaa, di gaa kpɔlɔ yɛ bələi tii ka mo la daai tii laa mɛ̨i, diɛ kɛ mą: ‹Ə gɔwɔ tɔɔ kpɔ wɔlɔ, daai tii a muhəɠə tɔɔɓɛlaa laa ɓa, yɛ gwɛli tee, nąą lɔ ɓə kwɛli tee mɛ̨nįɠaa da kulɔ laa.›

Ɛsdrasə 5:17

«Yii hu kɛa, tɔɔmun, akɛ ya hvaa mą, Babilonə daai, dɔɔ hɛɓɛ́i gaa laa, də li di ɉu kaa, akɛ tɔɔmun Sirusə ə wɔlɔ yili mąą laa tɛɛ di pɔ, ə gɛ, di Yálá nwɔ pɛ́lɛ́i tɔɔ Ɉerusalɛmə daai. Yili pulu, yii tɔɔmun a gaa, ə nwɔ kiliŋąhiɛ laa həli kuɔ.»

Ɛsdrasə 6:1

Nąąlɔwai, tɔɔmun Dariusə ə mo, ə gɛ di dɔɔ hɛɓɛ́ hu kaa, Babilonə.

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Zôo 38:4

Ə́ kɛ mįnɛ̨, ɓɛlɔwai ŋį́ kɛi lɔi kɔ́wɔ hvilɛn na? Ɉukulɔ mą́ą́, mąąhɔlɔɓo, yáá ə́ kpɔwɔ kɛ a mɛ̨nį kɔ́lɔnmun.

Zôo 40:2

Nui ŋɛ̨i hea tooi Huwalawala Kəlee Nąmu lai, mɛ̨nį ta kaa ni gwəi yɛ kɛ ə mo? Nui ŋɛ̨i da Yálá di kaa mɛ̨nį ɓoi, wooɲąą pənə ləi ɓə mąą nu la?

Zôo 42:3

Ə́ kɛ mą́ą́: «Gbɛɛ ɓaa yɛ́, yɛ́ pɛli gɛ́ mɛ̨nįɠaa hu pui a ɓowoɠaa ɓoɔ?.» Kɛlaa, ŋį́ kɛ dɛ́ɠii, və́ kɛ gbaɠala kɔ́lɔn. A tɛ̨ą, mɛ̨nįɠaai kɛi gwə́i pili mą́ą́, ŋį́ tunwɔ̨n diɛ dɛ́ɠii.

Hanwon 25:27

Kwɛ̨n nwulɔ kɔ̨mɔ̨ɔ̨ dɛɛ ɲɛn ɉu, hvo lɛlɛ li. Ɓɛlɛ mɛ̨nį hvaa, nu ɓɛlɛmąą yɛ gbɔwɔ ɓɛlɛ kwɛli.

Hanwon 25:3

Bələi yələkɔlɔn mąą kwɛa la, bələi lɔi kpon ɉu kwɛa la, bələ kpɔlɔɔ ɓə nu hva pɛli tɔɔɓɛlaa di wɔ kiliŋąhiɛ kpon ɉu kaai la.

Ikilisiati 1:13

Mɛ̨nįɠaai da kɛ tɛɛi yələkɔlɔn mu, ŋą́ gəlee mąąkpɛɛ kpɔ a nɛlɛɛ, a nwɔ́ kili mɛ̨nį, əgɛ, ŋą́ di kɛ mɛ̨nį nwun gɔlɔn. Kɛlaa, yili kaa a líihɛlɛn da yii Yálá a doo nu lonnii diɛ.

Dutɛrɔnome 29:28

«Mɛ̨nį yiiɠaa noɔ, Yai-Laa ku wɔ Yálái nwɔɔ li; yaa tɔ̨nɔ̨ ɓə gɔlɔn. Mɛ̨nį yiiɠaai aa di kulɔ pɔ̨nɔ̨ŋą, yiliɠaa kaa a ku wɔɔ kwa ku lonnii, kuɔ pɛli dɔ́n ŋɛ̨i hu wooɠaa kəlee kɛi a yələ kəlee mɛ̨nį.