Hanwon 24:9 - Yálá laawoo hɛɓɛ (dc)

⁹ Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Yálá laawoo hɛɓɛ

⁹ Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Bible

⁹ Ƃoo-tua a pâ a sɔnyɔ̂ŋ. Ǹúui a ɣɛ́lɛ-maa kùla núu kponôi, da gbɔ̀ara.

Hanwon 24:9 ပူးပေါင်းရင်းမြစ်များ

Zɛnɛse 6:5

Yai-Laa ə gaa yɛ diɛ: Nu lonnii kwəi kiliŋąhiɛ kaa lɔ kɛa mɛ̨nį ɲɔ̨n ma a hvóló kəlee.

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Mąątɛ̨nɛ̨ 119:113

Huhveelɛmun nwɛli kpɛɛi mą́ą́, Kɛlaa, ə́ wɔ tɔn nwooi wɛli kaa mą́ą́.

Hanwon 21:24

Nui ɲɛ̨i tɛɛ, dɛɠɛɓo ɉuɔ, naa ɓaa: yɛlɛ kulɔɉumun. A pələ ɓo kpɔwɔ ŋąą kɛnɛ̨ laa hu.

Hanwon 22:10

Yɛlɛ mąą kɛ nuą kpɛɛ, a hvaa kpɛɛ; ə woo hukulɔ tamąą da ɓɛlɛkpɛɛ mąą di kpɛɛ.

Hanwon 23:7

Mąąhɔlɔɓo, nwɔ kiliŋąhiɛ hu, a mɛ̨nįɠaa gwɛdɛn gulɔi, yɛ kɛ yɛ́: «Ə́ laa mįi, ə́ ə́ kpələ.» Kɛlaa, a tɛ̨ą, nwɔ kiliŋąhiɛ hva kɛ a nɛlɛɛ, yɛ hvilɛn na yɛ́.

Hanwon 24:8

Nui mɛ̨nį ɲɔ̨n gɛ kili kaa mą, da kɛ mą: Gbanalaa ɲɔ̨nwɔ̨ɔ̨ kɛmun.

Hanwon 29:8

Yɛlɛ kulɔɉu kɛ nuą da taa pu nwɔ̨nŋą. Kɛlaa, kilimąą nuą da líiholi ŋąąyɛɛ taai.

Hanwon 9:7

Nui a yɛlɛkulɔ ɉumun ɉutɔɔ, a mąą pənə a ɲowo. Nui a nu ɲɔ̨nwɔ̨ɔ̨ hɔn doo mą, lalan nɔ ɓə a ɉɔlɔɓo.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Gɛlaɠaa 8:22

Gili ɲɔ̨nwɔ̨ɔ̨ ti gaa yɛ́, 'həɠə bulu, ə́ nɛ̨ɛ̨mąą hvə gu Ną́mu ɓa, gaa pai kiɛ hvaa mą; ə ə́ mąąhvaalɛɛ.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;