Hanwon 24:7 - Yálá laawoo hɛɓɛ (dc)

⁷ Kili kaa a yee kɛnɛ̨, kilikpɛɛgwəi mun ɲɛ̨i ɓa. Da kɛ nwun dɔɔ hu, hva pɛli pələ ɓoi.

Yálá laawoo hɛɓɛ

⁷ Kili kaa a yee kɛnɛ̨, kilikpɛɛgwəi mun ɲɛ̨i ɓa. Da kɛ nwun dɔɔ hu, hva pɛli pələ ɓoi.

Bible

⁷ Ƃoo-nuu fa táre-woo ŋá kàa. Da kɛ̀ mɛni kpânaŋ ƃôi koyâŋ su da ƃó târe fé ǹyêei.

Hanwon 24:7 ပူးပေါင်းရင်းမြစ်များ

Zôo 31:21

Akɛ ŋą́ą́ ta ɲéé kpuwulu kɛ təli lon ma, gɛ́ li la kiti haɠa ɓa,

Zôo 5:4

«Nui tii lonnii mąąkpɔn mąą ɓomun və hɔlɔɓo, kiti ə too di mɛ̨i, nu hvo hɔlɔɓo hvo di mąąkɔ̨nwɔ̨.

Mąątɛ̨nɛ̨ 10:5

Nu taaləi tii, gɛ mɛ̨nįɠaa hu a nɛ̨ɛ̨ mą a yələ kəlee; yii hvilɛn na Yálá nwɔ kitii ɓa, gwəi kili hva yili kpaɠala kaa, dɛɠɛɓoɔ ɲowoɠaa hu.

Mąątɛ̨nɛ̨ 127:5

Nwun na nɛ̨ɛ̨mun maa, nui a nwɔ tonwą taɠai laahvɛɛ a tonwą tíɛ! Nwumɛ̨ hva ɲɛ̨i paa a yələ ta, ə mą kɛ ɲowo aa tɔɔ ɉįila.

Hanwon 14:6

Yɛlɛ kulɔ ɉumun a kili kwɛli, hva ɉɔlɔɓo. Kɛlaa, mɛ̨nį kɔ́lɔnmun nwɛi, a mɛ̨nį kpaɠala kaa ɉa.

Hanwon 15:24

Mɛ̨nį hukpɛ kili a nu tɛ yələi, yɛ ɲąmuątaa pələ kulɔ nu yəi.

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

Hanwon 17:24

Nui gili kaa ɲəi, da nwɔ mɛ̨nį kɔ́lɔn gili kaa ɲɛ̨ilai, Kɛlaa, nui kili hvo mą, nwun a kɛ lɔ a vilɛn ŋąą.

Hanwon 17:7

Pələ ɓoɔ a mąą kpalaa, mąą hvo nɛ̨ɛ̨li nu tupɛ-tupɛ la, yɛ bələi lɔ, lɛɛ woo mąą hvo nɛ̨ɛ̨li la ɲɛ̨itɔwɔmun nai.

Hanwon 22:22

'Hvó ə́ mɛ̨n mąąwɛlimun nwɔ mąąwɛlilaa ɓa, 'hvó mąą kpoloon. Nui dɔɔ bulu hvo mą, 'hvó naanɔ̨nwɔ̨ ɓo.

Hanwon 28:5

Nuąi da di kpɔwɔ tɛɛ mɛ̨nį ɲɔ̨n bɔ, di hvo mɛ̨nį haŋąą kɔlɔn. Kɛlaa, nuąi da Yai-Laa kwɛli, diɛ ɓə da mɛ̨nį kəlee kpaɠala kaa.

Hanwon 31:23

Mąąwiɛ kaa ɉilɛ ɓa, galanɉonŋaa di wɔ ɲąąkpɔn ɉu, a kɛ heeni nɔi nąmįną lɔwai, nwoo mąąwiai.

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Amɔsə 5:10

Ka kɛ kiti tee pɛlɛ mu, nuąi da kɛ mɛ̨nį haŋąą nąą kili tooi ka ɲą, kaa di wɛli kpɛɛ kaa. Nui a kɛla hvaa ɓo a tɛ̨ą, kaa mɛlɛkpɛɛ ka kwəi.

Amɔsə 5:12

Mąąhɔlɔɓo, ɲą́ą́ Yálá, ka wɔ nwąnąlɔ túwɔ́ɠaa tii, ŋį́ gəlee kɔ́lɔn. Ka kɛ nɛ̨ŋɛ̨n damąą tii, gíli kaa gəlee hu. Nui hɔn və mą, ka káá a mąą nu ɲowo, nɔgwəi hɛn mə ka ka yee hee mu. Ka wɔ kiti tee pɛlɛ́ɠaai mu, ka hva tɛ̨ą tɛɛ yee hvowolo mun bɔ.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.