Hanwon 24:16 - Yálá laawoo hɛɓɛ (dc)

¹⁶ Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Yálá laawoo hɛɓɛ

¹⁶ Mąąhɔlɔɓo, tələnmomun a pɛli mą tooi gee mɛ̨i mɛ̨ihveelɛ, yɛ muhəɠə, Kɛlaa, nwąnąlɔ nuą da di laanɔ̨nwɔ̨ ɓo mɛ̨nį ɲɔ̨n ɉu.

Bible

¹⁶ Tɔ̃yâ-nuu a tòo pôlu lɔ́ɔlu mɛi feerɛ, a mu sìɣe ŋɔ́nɔ. Kɛ́lɛ mɛni kpɔ̂lu a wôya-nuu yée mɛi ɣâle.

Hanwon 24:16 ပူးပေါင်းရင်းမြစ်များ

Zɛnɛse 19:35

Di lɔɔ tɔɔ di nąn na, nɔɔ ə ɉon, mąą yələwulii, da nokolo laamun di laa. Di nąn və gili kɔ́lɔn.

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Mąątɛ̨nɛ̨ 34:21

A ɲɛ̨i kɛ gɔw kəlee ɓa, danɔ̨n gbɛli hu hva yali.

Mąątɛ̨nɛ̨ 37:24

Mąą nu ə ma kalin, hva too; mąąhɔlɔɓo, Yai-Laa a ɉon a ɲee.

Mąątɛ̨nɛ̨ 52:5

Yá mɛ̨nį ɲɔ̨n viɛlaɓo mɛ̨nį lɛlɛɛ ɓa. Yɛ́ lɛɛ hviɛlaɓo tɛ̨ą ɓa.

Mąątɛ̨nɛ̨ 7:16

Nui a lɔwa tee yɛ gbon ɉu kwɛa, mąą nu kaa pai tooi gbɔwɔ lɔwai tii hu.

Mąątɛ̨nɛ̨ 79:12

Mɔ̨nɔi ku kwɛlɛ nuą daa naa kuɔ, yili gwələ kulɔ diɛ geemɛ̨i mɛ̨ihveelɛ, ə yali di lii ɓa.

Hanwon 13:17

Wɛlɛɛ ɓomun ɲɔ̨nwɔ̨ɔ̨ a mɛ̨nį nwąnąą laa gbɔwɔ ɓa. Kɛlaa, wɛlɛɛ ɓomun nɛlɛɛ a nu ɓalo.

Hanwon 13:21

Mɛ̨nį ɲɔ̨nwɔ̨ɔ̨ hva tee nɛ̨ŋɛ̨n ɉəɠə nuą pulu, nwun na nɛ̨ɛ̨ ə ɓo a tələnmo nuą hvɛla.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Hanwon 24:22

Mąąhɔlɔɓo, nɔgilii kɛ nuąi tii, mɛ̨nį nwąnąą ta a pɛli ə laa diɛ. Mɛ̨nįi tɔɔmun da Yai-Laa da pɛli naa nui tii ɓa, gbɛɛ ɓə gɔlɔn?

Hanwon 6:15

Yili mąą mɛ̨nį ɓa, gaa pai tooi lɔ tii kpulun, doo pələ kaa pai ɲɔ̨nwɔi, ɉu a yali ɉali hva kɛ.

Ɉeremi 18:17

Gáá pai di taɠai di yowoɠaa tɔwɔ yɛ hvaŋą, di wɔ mɔ̨nɔ̨ mį́i yələ, gɔ́n bulu ɓə di kaa pai gaai, ɲɛ̨ilaa loɔ diɛ.

Ɉeremi 8:4

Mo diɛ: Yɛ́ diɛ: Yai-Laa woo ka; yɛ diɛ: Akɛti, nu a too, hva kɛa pənə hvo muhəɠə? Akɛti, nu a bulu tinɛ̨n, hva kɛa yali gələn ma?

Izikiɛ 7:5

Yai-Laa woo ka, yɛ diɛ: «Ə́kə! Mɛ̨nį ɲąąnwąnąą kɛnɛ̨, ɲɔ̨nwɔ̨mąn və ta kaa li, ya ka ti pai-o.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Lonon mo 32:23

Kɛlaa ka wala gɛ, a kɛ tii kaa nɛ̨ŋɛ̨n ɉəɠə Yai-Laa ɓa; mąąnɛ̨ɛ̨ ka gɔlɔn kaa ka wɔ nɛ̨ŋɛ̨n tii a hvilɛn ka pulu.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Tɛsalonikə dɔlɔɔ 5:3

Ɓɛlɔwai nu kəlee kaa pai kɛi la diɛ: «Liilaa, wəlipululaɠi», nąąlɔwai kpɔlɔ ɓə nwun napili a kulɔ la di tɛɠii, ə yɛɛ di mɛ̨i, yɛ bələi kwəinwąną a nɛ̨ɛ̨nu hon na; ɛlɛɛ, di nwun hva kulɔ ɉu.

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Samuɛlə dɔlɔɔ 31:4

Ya ɓə, Saulə a kɛ nwɔ ɓíítiɛ̨i ɓa: «'Ə́ wɔɔ ɓɔwai kulɔ daai, ə́ gbə́li paa, əgɛ, gɛ́nɛ̨ kpolɔwaɠaa ŋɛ̨i di hvo pa di nɔ̨nwɔ̨ lɔ mą́ą́.» Kɛlaa, nwɔ ɓíítiɛ̨i hvo gɛ, mąąhɔlɔɓo ə kɛi ɲɔw. Saulə yaa kpįnįi, ə mowa kwɛa həɠə ə lɔ ɲą.