Hanwon 23:20 - Yálá laawoo hɛɓɛ (dc)

²⁰ 'Hvó too lɔɔ kpələ nuą pɔ, ə mą kɛ, nuąi da di koo laahvɛɛ a huwɔ.

Yálá laawoo hɛɓɛ

²⁰ 'Hvó too lɔɔ kpələ nuą pɔ, ə mą kɛ, nuąi da di koo laahvɛɛ a huwɔ.

Bible

²⁰ Ífe kɛ̀ a ǹɔɔ-kpele-ƃelai, kpaa máŋ m̀ii-sɛŋ wɛli-ƃelai díta.

Hanwon 23:20 ပူးပေါင်းရင်းမြစ်များ

Hanwon 20:1

Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Hanwon 21:17

Nui pə́lə́ wɛli kaa mą, a lɛɛ a yeehvowolomun, nui lɔɔ wɛli kaa mą da kɔ̨nɔ̨n gɛnɛ̨, hvo pai kɛi a hɛn nąmu.

Hanwon 23:2

Ə́ wɔ kɔ̨nɔ̨n mįi pələ yɛlɛ kɛ, ə mą kɛ pulu kaa yɛ́.

Hanwon 28:7

Nui a tɔ́n nwoo hon kilimąą mun ni. Kɛlaa, nui da túwɔ́ pələ ɲɔ̨n gɛ nuą da hiɛ, a nwumɛ̨ tɛ a gaa nąn.

Azaya 22:13

Ya ɓə, ka tɔɔ kaa kwəinɛ̨ɛ̨ kulɔ, kaa hɛli pu! Diɛ nįŋɛ̨ɠaa paa, diɛ ɓɛlaaɠaa nwun dee, diɛ huwɔ mįi, diɛ lɔɔ kpələ, kaa kɛ diɛ: ka gu gu laa mįi, ka gu gu kpələ; mąąhɔlɔɓo, gwa tínąą haa.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Maafîu 24:49

Ɛlɛɛ, ɓɛlɛɛ mɛlaa diɛ yɛ di kɛlɛ, ə li ə tɔɔ lɔɔ honŋąą pɔ diɛ di kpələ diɛ di laa mįi.

Lukə 15:13

Ɉu hvo kpɛli kwɛa, nokolo laa mun ə nwɔ hɛnŋąa həɠə ə nɔwɔtɔɔ, ə li a wali toonwuma hu. Ə lɛɛ laa, ə ɉɛn gɔwi tii kəlee hu kala.

Lukə 16:19

«Hɛn gɔw nąmu kɛnɛ̨ ta ə kɛ laa, tɔɔ həɠəɠaa lɔ ɓə kɛ mą. Ə kɛ lɔ hɛli pu mɛ̨nį hu a yələ kəlee.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Dutɛrɔnome 21:20

Diɛ galanɉonŋąą diɛ: «Ku lon ga, hva ku woo mɛ̨n, ɛlɛɛ, aa gwɛli tee, aa nwɔ yɛnɛ̨ɛ̨ hon a ɲɔ̨nwɔ̨ɔ̨ yɛ ɓo lɔ hvóló kəlee a lɔɔ hon.»