Hanwon 22:18 - Yálá laawoo hɛɓɛ (dc)

¹⁸ Mąąhɔlɔɓo, yá ə́ kili lɛɛ ɉu, ə́ naaikɛ ə́ líi hu, a ə́ laaləi kɛ kili pələ ɓo laaləi.

Yálá laawoo hɛɓɛ

¹⁸ Mąąhɔlɔɓo, yá ə́ kili lɛɛ ɉu, ə́ naaikɛ ə́ líi hu, a ə́ laaləi kɛ kili pələ ɓo laaləi.

Bible

¹⁸ A pâi kɛ̂i a mɛni lɛ́lɛɛ ímɛni ma í ǹâai kɛ́ ílii su. Gélee é lɛ́ɛ íkili ŋá.

Hanwon 22:18 ပူးပေါင်းရင်းမြစ်များ

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Mąątɛ̨nɛ̨ 119:171

Ee kə! 'Ə́ mąątɛ̨nɛ̨ woo ə lɛɛ lɔ yɛ kulɔ ná! Mąąhɔlɔɓo, yá kɛ mą́ą́kwɛlii ə́ wɔ tɔn nwooɠaa diɛi.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Hanwon 10:13

Kilimąą mun vaa woo a kili tɛɛ nu pɔ, Kɛlaa, hvaɠa kaa kilikpɛɛgwəi mun bulu.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Hanwon 16:21

Nui kili kaa mą, ya ɓə da kɛ mą nwun gɛ ɉumun. Woo ɲąąlaɠi ɓə a nu kili ta pɛlɛ mą.

Hanwon 2:10

Kili a kɛ yɛ́, mɛ̨nį kɔ́lɔn ŋąą yɛ kwəinɛ̨ɛ̨ tɛɛ ə́ pɔ. Ə́ nwun a kɛ ə́ hu, hva lan.

Hanwon 22:19

Gɛ́, ə́ ə́ kilitɔɔ Yai-Laa ɓa, yili ɓə gɛi, gɛ́ ə́ kalan na nwɔ̨nɔ̨, a mɛ̨nįɠaa háákələi.

Hanwon 25:11

Mɛ̨nį lɛlɛɛ ɓoɔ a moi lɔwai kaa yɛ hɛni kpuwulu, nwəli la laa a wali kwɛli.

Hanwon 3:17

A nu tənən dɔɔ pələ lɛlɛɛ mɛ̨i, yɛ hiɛ ɉu a kili la tee.

Hanwon 4:20

Nón, ə́ wəli tɔɔ nwóó ɓa, ə́ ə́ wəli tɔɔ nwɔ́ liɛwooɠaa diɛ.

Hanwon 4:21

Hvo ɓo mą 'hvó doo. Kɛlaa, di kili lɛɛ ə́ ɲą.

Hanwon 8:6

Ka ka wəli tɔɔ, mɛ̨nįi gáá moi kaa, viɛlaɓoɔi; kaa ka tii gáá pələ ɓoi kaa a ɉu pɔ̨nɔ̨ɔ̨.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.