Hanwon 21:20 - Yálá laawoo hɛɓɛ (dc)

²⁰ Hɛn gɔwi yɛnɛ̨ɛ̨, da yɛnɛ̨ɛ̨ ɲąąnɛ̨ɛ̨, di kaa a kilimąą mun nwɔɔ, kilikpɛɛgwəi mun a gəlee hu kala.

Yálá laawoo hɛɓɛ

²⁰ Hɛn gɔwi yɛnɛ̨ɛ̨, da yɛnɛ̨ɛ̨ ɲąąnɛ̨ɛ̨, di kaa a kilimąą mun nwɔɔ, kilikpɛɛgwəi mun a gəlee hu kala.

Bible

²⁰ Táre-nuu a gɔ̂liŋ mɛi kâa, ƃoo-nuu kɛ́ ŋ̀ɔ́i su kàra.

Hanwon 21:20 ပူးပေါင်းရင်းမြစ်များ

Zôo 20:15

Ɉɛn gɔwi tii ə gbələ a wea, ya ka ti a maɠi, Yálá kaa pai gulɔi gwəi.

Zôo 20:18

Ɉɛn ə ɉɔlɔɓo, a pənə ə dɛɛ, hva pɛli mu kpələi, yiiɠaai mąn ə kɛi ɲee pənə di hu, di hvo kɛi kwəinɛ̨ɛ̨ tɛɛ bɔ.

Mąątɛ̨nɛ̨ 112:3

Ɲəi bɛlɛ́n ɉɛnŋąą ɓaa yeelahvoloon hɛn gɔw da nwun na nɛ̨ɛ̨, nwɔ tələnmolaa ɲɛ̨n və mą.

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.

Hanwon 15:6

Tələnmomun nwɔ pɛlɛ́ kaa a hɛn gɔw kɛnɛ̨, Kɛlaa, nu ɲɔ̨nwɔ̨ɔ̨ hɔlɔɓo hɛn a liihɛlɛn doo nu ɓa.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Hanwon 8:21

Nuąi da nwɛ́lilakɛ, ŋą́ di kɔ́ a hɛn gɔw, ŋį́ di wɔ hɛn gɔw puiɠaai laahvɛɛ.

Ikilisiati 10:19

Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo.

Ikilisiati 5:19

Mɛ̨inɛ̨ɛ̨ tii Yálá a gɛ mąą nu ɓa, yɛ ɲąąnɛ̨ɛ̨ kulɔ, a lɛ̨ą, hva kɛa giliŋąhiɛ, yɛ kɛ: Ɲíi hvóló hu kpuaai.

Ikilisiati 7:11

Kili kɛɛ nu ɓa ɓɛlɛ kaa mą ə tɛɛ la, nu kwɛlin ma. Mąąhɔlɔɓo, kili kɛ ɲəi dɔlɔ a həli nu kəlee ɓa.

Ɉeremi 41:8

Nuąi tii lɔwai nu pow ə kɛ laa, diɛ Yismaɛlə ɓa: «'Hvó ku paa, kwaa kɔ́nɔ̨nŋaa loo gbomoi ku yee kɔ́nma, a mɔ̨nun, kpai, da wulɔ, ɛlɛɛ, da kwɛ̨n nwulɔ.» Yismaɛlə hvo di paa da di ɓɛlaa.

Maafîu 25:8

Nɛ̨ɛ̨gbəla lɔɔlii ŋɛ̨i kɛ di kilaa hvo kɛ pono li, diɛ di ɓɛlaa lɔɔli tii nwulɔ həɠə diɛ: ‹Ka ku kɔ́ a ka wɔ wulɔi tawolo, ku pu kuwɔ labonŋąai hu; ka káá gaai, kuwɔ labonŋąai diɛ di luwun.›

Lukə 15:14

Ɓɛlɔwai ə ɉɛn gɔwi tii kəlee hu kala la, pulu kɛnɛ̨ ə too nɔi tii hu. Hɛn da hvo kɛa kɛ ɲəi yii a mį́į́.

Lukə 16:1

Jesus ə mo nwɔ kalan nɛai diɛ, yɛ diɛ: «Hɛn gɔw nąmu kɛnɛ̨ ta ə kɛ laa, ə nu ta həɠə, yɛ ɲɛ̨i kɛ nwɔ hɛn gɔwi ɓa. Hvóló ta, di pa diɛ mą: ‹Ə́ wɔ hɛn gɔw laaikɛ mun kaa ɉɛn gɔw hu kalai.›

Lukə 6:45

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»