Hanwon 21:13 - Yálá laawoo hɛɓɛ (dc)

¹³ Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Yálá laawoo hɛɓɛ

¹³ Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Bible

¹³ Ƃa íwoli láa tɛ̀ kôlo-nuu wɔlɔ-woo ma, yáŋ ƃà wɔ̀lɔ, núu da fé pâi íwɔlɔ-woo mɛnîi.

Hanwon 21:13 ပူးပေါင်းရင်းမြစ်များ

Nehemi 5:13

Ə lɛɛ, ŋį́ nwɔ́ həɠəi hu kpɛŋɛn, gɛ́ diɛ: «Bələ ɓə, nui lɔpee a wala nwoo pɔ mɛ̨nį kɛ, Yálá kaa pai gbɛŋɛ̨n ɉii la, yɛ gulɔ ɲəi bɛlɛ́n, yɛ mąą kwɛa ɲəi hɛnŋąą diɛ. Bələ ɓə da mąą nu kpɛŋɛn na, diɛ nɛɛ a ɲee hvowolo.» Nu kpɔn gəlee diɛ mą: «Ə kɛ tii!» Ə lɛɛ, di Yai-Laa mąątɛ̨nɛ̨ di gɛ yɛ pələi di mo la.

Zôo 29:12

Mąąhɔlɔɓo, mąąwɛlimun lɔpee kɛi kpɔnmąą kwɛli, ŋį́ kɛi gulɔ ɉu. Gɛ́ kpɔmąą tɛɛ təlilɛa pɔ.

Mąątɛ̨nɛ̨ 18:41

Yá ɲówoɠaa kpowola lɛ mą́ą́, ɛlɛɛ, gɛ́ gɔ́yɔwɔɠaa hu kala.

Mąątɛ̨nɛ̨ 58:4

Nwąnąlɔ nuą da ɲɔ̨n gbɔlɔ di mąą koo həɠəi lɔwai, lɛɛ nuą da həɠə kpɔlɔ pələ mɛ̨i di kaai lɔwai.

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Hanwon 28:27

Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Maafîu 6:14

«Yili ɓa, akɛ nuąi da kɛ mɛ̨nį ɲɔ̨n gɛi a kaa, ka kɛ di mąąhvaalɛɛi, bələ lɔ ɓə, ka Nąn yaa kpɛli a ka mąąhvaalɛɛ la.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Gɛlaɠaa 7:57

Nuą kəlee di tomą kpɔ a di woo kɛnɛ̨ɛ̨, di di yee lɔ di wəlii. Di kəlee di kpuluun di wolo Etiɛnə ɓa,

Zɔ̂ŋ Maa-ŋuŋ 3:17

Akɛ yɛnɛ̨ɛ̨ hɛn gɔw a kɛ nu ta yəi, ɛlɛɛ, ə nąn non gaa kąnąn ɉu, ɛlɛɛ, hva ɲɛ̨imąąwɛli kaa; a kɛ tii, Yálá nwɔ wɛlikɛmąąlaa a pɛli kɛi ləi ɉu?