Hanwon 19:2 - Yálá laawoo hɛɓɛ (dc)

² Nu kwəinɛ̨ɛ̨ mɛ̨nį hu, hvo gbaɠala kɔ́lɔn, yili hvo lɛlɛ li. Nui a kpɛlin mɛ̨nį ɓa, a lan.

Yálá laawoo hɛɓɛ

² Nu kwəinɛ̨ɛ̨ mɛ̨nį hu, hvo gbaɠala kɔ́lɔn, yili hvo lɛlɛ li. Nui a kpɛlin mɛ̨nį ɓa, a lan.

Bible

² Ǹúu a mɛni kɛ̀ va gíli-ŋa siai vé lɛ́lɛ ní, ǹyaŋ ǹúui gɔ́ɔ-maa felâai, a pɔ̂ara pere ma.

Hanwon 19:2 ပူးပေါင်းရင်းမြစ်များ

Tɔɔɓɛlaa veelɛ 4:39

Galan nɛa tii tɔ̨nɔ̨ ə həɠə yɛ li lɔwɛi kala ta kwɛlii, ə kilikɛmąą huwu ta kaa, ə da kulɔ, ə mąąhəɠə kpɔlɔ laahvɛɛ la, ə paa la, ə ɉu tee tee, ə bu nəɠii. Di hvo kɛ nwulu ɓa huwu yili kɔ́lɔn, di ɲili, ə mɔ̨.

Zôo 31:5

Akɛ, kwa lɛ́ɛ́ kwaa ta pələ kpɔn, Gɔ́wɔ́ aa ta li mɛ̨nį ɲɔ̨n bɔ pələ,

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Hanwon 14:29

Nui hva níiholi ɉa, kilimąą mun gɛnɛ̨ li. Nui níiholi laa nɛ̨ɛ̨i, a nwɔ ɓowo laa tɔɔ ɲɛ̨i.

Hanwon 21:5

Nu walaa a koló kɛ a gili, a dɔ̨nɔ̨ hɔlɔɓo, Kɛlaa, nui a nii mąą kpɛlin, a too kanąn ɉu.

Hanwon 25:8

Mɛ̨nįi ə́ ɲɛ̨i ə gaa, 'hvó humo 'hvó mo kiti haɠa ɓa, yili a kɛ tii, akɛ nui ŋɛ̨i ə́ ɉɔn doo a pa, tɛ̨ą a wala kɛ ə́ pɔ, lə ɓə kɛa yá gɛ?

Hanwon 28:20

Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Hanwon 29:20

Yá nu kaa, hvaa polo-polo wɛli ə ɓo mą, ə́ ə́ kilitɔɔ kilikpɛɛgwəi mun ma, viɛlaɓoɔ nu huwui tii ɓa.

Ikilisiati 12:9

Mąąnɛ̨ɛ̨ nuą di gɔlɔn diɛ kɛ: Kilimąą mun hvo kɛ kpɛla li mɛ̨nį lɛɛ ɓa nuą diɛ a nwɔ kili mɛ̨nį. Ə hanwon damąą mąn, ə mąąkpɛɛ, ə ɉukpɛɛ, ə dɔlɔ kaa yɛ ɉɔɔ nwɔ nuą diɛ.

Ikilisiati 7:9

Mąą hvo nɛ̨ɛ̨li nu hvo níiholi ɉą, kilikpɛɛgwəi mun mə níiholi laa nɛ̨ɛ̨.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Lomaŋ 10:2

Mąąhɔlɔɓo, ŋą́ pɛli ŋą́ mąą kɛla hvaaɓo gɛ́ diɛ: Yálá mɛ̨nį kɛ kwəinɛ̨ɛ̨ kaa di hu; kɛlaa, di wɔ kwəinɛ̨ɛ̨i ti, mɛ̨nį kɔ́lɔn ŋąą, hvo ɉu pono li di yəi.

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,