Hanwon 16:9 - Yálá laawoo hɛɓɛ (dc)

⁹ Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Yálá laawoo hɛɓɛ

⁹ Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Bible

⁹ Núu ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa déniŋ tɔ̀ɔ a berei é sía lai.

Hanwon 16:9 ပူးပေါင်းရင်းမြစ်များ

Kɔlɔnikɔ Veerɛi 22:7

Akaziasə nwun na pili mɛ̨nį ə həɠə Yálá pɔ, a lii tii ə mo nwoo pilii Yoramə ɓa. Pai ə mo, da Yoramə di kulɔ diɛ li Nimsi lon Ɉehu laakwiɛn ɉii, a yaa tii Yai-Laa ə dɔɔ wulɔ hiɛ mą, əgɛ, ə Akabə nwɔ pɛlɛ́i pu.

Mąątɛ̨nɛ̨ 37:23

Yai-Laa a nu kɔ́wɔ tɔɔ mu kpąąn; nwɔ pələi yɛ nu lii hon.

Hanwon 16:1

Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Hanwon 16:8

Hɛn gɛɛ nu yəi tiikpə tələnmolaa hu, hviɛlaɓoɔi hɛn gɔw kɛnɛ̨ ɓa, hvulu yɛnɛ̨ɛ̨ hu.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Hanwon 20:24

Yai-Laa ɓə a nu hiɛ pələ tənən dɔɔ, Kɛlaa haa mun ni pələ kɔ́lɔn bələ kɛ ləi?

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»