Hanwon 16:6 - Yálá laawoo hɛɓɛ (dc)

⁶ Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Yálá laawoo hɛɓɛ

⁶ Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Bible

⁶ Ɣâla Yâwɛɛ a laa-la-nuu da tɔ̃yâ-tua kɛ́-nuu dísɔnyɔ̂ŋ su-mɛni lɛ̀ɛ. Núu a yào Ɣâla Yâwɛɛ ma, a ǹyée kùla sɔnyɔ̂ŋ su.

Hanwon 16:6 ပူးပေါင်းရင်းမြစ်များ

Zɛnɛse 20:11

Abrahamə ə nwoo ŋąąpənə, yɛ mą: «Ə kɛ gwə́i ɓɛ nɔi nuą di hva ɲɔw Yálá ɓa, gɛ́ diɛ: ‹Gbəli hu, di kaa pai báái, nɛ̨́ą mąą mɛ̨nį ɓa.›

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Nehemi 5:9

Ɛlɛɛ, gɛ́ diɛ: «Yii ŋɛ̨i ka káá gɛi, hvo pɛli li ɉu. Kɛlaa, mąąnɛ̨ɛ̨ ka gu hiɛ gu wɔ Yálái nwɔ ɲɔw mąą laa hu, ə gɛ, gu hvo pa nwunmɛ̨ hį́i takpɛliɠaa ɲɛ̨i ɓa, diɛi di kaa a gu yowoɠaa.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Lɛɛ gbɔwɔ ɓa 1:17

Kɛlaa, vɛlɛɛlee kɛ nɛ̨ąą tii, di ɲɔw Yálá ɓa, di hvo gɛ, di hvo lɛɛ dɔɔmun nwoo ɲą. Di hvo kɛi ɉinąą paa.

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Hanwon 14:16

Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Hanwon 14:2

Nui a hiɛ a ɉaŋąą, a ɲɔw Yai-Laa ɓa. Túwɔ́ pələ ɲɔ̨n gulɔmun yɛ tɛɠɛ ɓo ɉu.

Hanwon 14:27

Ɲɔw Yai-Laa ɓa, kaa a yɛnɛ̨ɛ̨ yáton, ya ɓə a gɛ nu yɛ haa nwɔ ɓaaləɠaa mąąlaa.

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Hanwon 20:28

Kulɔ nwoo ɓa laa da tələnmolaa da di ɲɛ̨i kɛ tɔɔmun ma, nwɔ tɔɔlaai a lamun, tələnmolaa haalai.

Hanwon 3:3

Tələnmolaa da mɛ̨nį haŋąą kɛ, 'doo ə́ kwąną, bɛ̨ɛ̨ ə́ lii pɔ.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Danîa 4:24

Yili ɓə gaa mą, Oo tɔɔmun! Niɛwooi ŋɛ̨i gáá gɛi yɛ́, ya ɉon, mąąnɛ̨ɛ̨ ə́ kpəla nɛ̨ŋɛ̨n gɛɛ ɓa, ə́ mąąhvalin a tələnmolaa. Ə́ mɛ̨nį ɲɔ̨n mąąhvalin a nuą mąąwɛli kaa, ya yili kɛ tii, gbəli hu ə́ wɔ liilaa hu a kwɛa.»

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Ɉaan 15:2

Nwónwoi lɔpee hva ɓa, Ną́n a dee mą́ą́. Yii nwɔ̨nɔ̨ a kɛi ɓai, a naahɔnmo, əgɛ, ə ɓa kɛnɛ̨.

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Ifisiɛŋ 5:21

'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Dutɛrɔnome 30:13

Hvo kpɛli gboloyá pulu pələ, əgɛ, ka hvo pa kɛ diɛ: ‹Gbɛɛ ɓə pai lii gboloyá pulu pələ, ə ɉəɠə ku yəi, ə pa ə ɉukulɔ kuɔ, ku mɛ̨n, kuɔ bɔ mɛ̨nį kɛ?.›

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,