Hanwon 15:9 - Yálá laawoo hɛɓɛ (dc)

⁹ Nwąnąlɔmun dúwɔ́ pələ wɛli kpɛɛi Yai-Laa ɓa kpɔ tɛ-tɛ, Kɛlaa, nui gaa tələnmolaa pɔ, a nwɛlilakɛ.

Yálá laawoo hɛɓɛ

⁹ Nwąnąlɔmun dúwɔ́ pələ wɛli kpɛɛi Yai-Laa ɓa kpɔ tɛ-tɛ, Kɛlaa, nui gaa tələnmolaa pɔ, a nwɛlilakɛ.

Bible

⁹ Ɣâla Yâwɛɛ a ŋwana-lɔ̂ɔ-nuu tûa-pere kpɔ̀ara, kɛ́lɛ è tɔ̃yâ-nuu tûa-pere wɛ́li ni.

Hanwon 15:9 ပူးပေါင်းရင်းမြစ်များ

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Mąątɛ̨nɛ̨ 139:24

Gáá kpɔ a nɛlɛɛ, ə gɛ və́ pa ɉon a pələ ɲɔ̨n. 'Li a ɲą́ą́ ɓalo hva kpɛɛ pələ mɛ̨i.

Mąątɛ̨nɛ̨ 5:5

Hvó a Yálái mɛ̨nį ɲɔ̨n nwɛli kaa mąą, nwąnąlɔmun hva ɉeei ɉɔlɔɓo ə́ pɔɔli.

Hanwon 15:10

Nui a həɠə pələ ɓa, mąąnɛ̨ɛ̨ di ɉutɔɔ a nwalawalaa. Nui hvo bɔ di hvo niɛwoo ɓo, gaa pai haai.

Hanwon 21:21

Nui a hvilɛn tələnmolaa pulu da kulɔ nwoo ɓalaa, a yɛnɛ̨ɛ̨, tələnmoaa, da mąąwiɛ hɔlɔɓo.

Hanwon 21:4

Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Hanwon 21:8

Lɔi kalamun ɉiɛ pələ kpəlaan ŋąąi, Kɛlaa, kwəi kwələmun gɛ mɛ̨nįɠaa haŋąą lɔ.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Azaya 26:7

tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

Azaya 51:1

'Ka ka wəli tɔɔ mą́ą́, kaai kpɔ tələnmolaa kwɛlii, kaai kpɔ Yai-Laa kwɛlii: 'Ka ka ɲɛ̨i hee, gwɛnii ɲɛ̨i di ka kulɔ ɉu, 'ka gaa, da nɔɠai di ka yala ɉu, diɛ ka tɛ.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Maafîu 7:13

«'Ka lɔ bɛlɛ́ laaləi logolo ɓa. Mąąhɔlɔɓo, bɛlɛ́ laaləi kɛnɛ̨ kaa a pələ yii ɉu hiɛɓo laa nɛ̨ɛ̨. Kɛlaa, a nu nwun napili; bələ yili ɓə nu tamąą da ɉon na.

Dutɛrɔnome 7:13

Gaa pai ka wɛli la kɛi yɛ lúwɔ́ too kaa, yɛ ka huwuhu ɓɛlɛ; gaa pai lúwɔ́ tooi ka kwəi lonnii diɛ. Ka kɛ kólóɠaa, ka wɔ lɔɔi, ka wɔ wulɔi, ka wɔ nįŋɛ̨ɠaa, ka wɔ ɓɛlaaɠaa da mooluɠaa, a lúwɔ́ too diɛ. Yili a kɛ tii nɔi tii ə naakwɛlanmo ka nąnni diɛ ɉu.

Timote dɔlɔɔ 6:11

Kɛlaa, ə́ wɛi, Yálá ŋą nu, 'pú, 'həɠə mɛ̨nįɠaa tii tɔwɔ. Mɛ̨nįɠaa ŋɛ̨i kwɛli, diɛ ɓaa: 'Tələnmolaa, mąąwiɛlaai a hvilɛn Yálá ɓa, laa na laa, wɛlikɛmąąlaa, kąnąnmąą laa, da liinɛ̨ɛ̨ gwəilaa.

Timote veelɛ 2:22

'Ə́ mąąkwɛa muhəɠə nįnɛ̨ɠaa di wɔ tuwɔ pələ ɲɔ̨nwɔ̨ɔ̨nŋaa diɛ, nuąi da Yálá laa hvɛli a di kwəi kwɛlɛɛ, ká diɛni, 'ká tələnmolaa kwɛli, da laa na laa, da wɛlikɛmąąlaa, ɛlɛɛ da liilaa.