Hanwon 15:32 - Yálá laawoo hɛɓɛ (dc)

³² Nui a mąąkwɛli woo pili, a tɛɠɛ ɓo gbɔwɔ hu, nui a nwəli tɔɔ gilaa pɔ̨nɔ̨ woo ɓa, a kili hɔlɔɓo.

Yálá laawoo hɛɓɛ

³² Nui a mąąkwɛli woo pili, a tɛɠɛ ɓo gbɔwɔ hu, nui a nwəli tɔɔ gilaa pɔ̨nɔ̨ woo ɓa, a kili hɔlɔɓo.

Bible

³² Ǹúui va ŋ̀óli tɔ̀ɔ lia-woo mai, a sɛŋ sôli gbîŋ ma, kɛ́lɛ ǹúui a ǹyée sèe lia-woo mui, a táre sɔlɔ ƃô.

Hanwon 15:32 ပူးပေါင်းရင်းမြစ်များ

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 10:17

Nui a liɛwoo hon, a hvilɛn yɛnɛ̨ɛ̨ kɛ pələ mɛ̨i. Kɛlaa, nui da gilaa pɔ̨nɔ̨, ə nwəli kulɔ ɉu, a lan.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Hanwon 15:14

Kili nąmu a kɛ mɛ̨nį kɔ́lɔn ŋąą kwɛlii, kilikpɛɛgwəi nuą laaləi a di kɔ̨nɔ̨n gɛ a ɓowo.

Hanwon 15:21

Nui gili hvo ɲəi, ɓowo mɛ̨nį ɓə a gwəinɛ̨ɛ̨, Kɛlaa, kilimąą mun nwɛi, a ɉiɛ pələ tənən dɔɔ a ɉaŋąą.

Hanwon 15:31

Nui a nwəli tɔɔ a nɛlɛɛ, malo liɛwoo ɓa, a ɉeei ɉɔlɔɓoi kilimąą nuą lɔwai.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Hanwon 15:5

Kilikpɛɛɲəimun a tɛɠɛ ɓo nąn nwɔ mąąkwɛli woo hu. Kɛlaa, nui da nwəli lon doo ɉu, yɛ gili lɛɛ ɉu, mɛ̨nį kɔ́lɔnmun ni.

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

Hanwon 18:15

Nui nwun gaa ɉu, ya ɓə a kili mɛ̨nį kwɛli, kilimąą mun nwəli a mɛ̨nį kɔ́lɔn gili kwɛli.

Hanwon 19:20

Ə́ wəli tɔɔ liɛwoo ɓa, mɛ̨nįi di kaa ə́ kalan ɉi la, ə́ ɉon; yili ɓə a nu kɛ a kilimąą mun tɔwɔ pələ.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ikilisiati 7:5

Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 3:9

Di ɲɛ̨́i tɔɔ pələ ɓə a di mąą kɛla hvaa ɓo, di wɔ nɛ̨ŋɛ̨n tii tɔɔ di ɲɛ̨́i, yɛ bələi Sodomə ə gɛ la, di hva noo, di mąąwɛliɛi, diɛ mąąwɛli mɛ̨nį laa di kpɔwɔ ɓa.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Dutɛrɔnome 21:18

Akɛ nu ta lon a kɛ laa, yɛ ɓo a kulɔ nwoo mu lon, yɛ ɓo a nu kpɛli kpɛli, hva gaa nuą woo mɛ̨n, mɛ̨nį yiiɠaai da niɛwoo ɓo la a wala di woo hon;

Dutɛrɔnome 21:20

Diɛ galanɉonŋąą diɛ: «Ku lon ga, hva ku woo mɛ̨n, ɛlɛɛ, aa gwɛli tee, aa nwɔ yɛnɛ̨ɛ̨ hon a ɲɔ̨nwɔ̨ɔ̨ yɛ ɓo lɔ hvóló kəlee a lɔɔ hon.»

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Zĩi 1:22

Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!