Hanwon 15:30 - Yálá laawoo hɛɓɛ (dc)

³⁰ Wɛlikɛmąą kɛɛ kaa, a nu kwəinɛ̨ɛ̨ kpɔ kpąąn, wɛlɛɛ nɛ̨ɛ̨, yɛ nu hvaŋąlɔ.

Yálá laawoo hɛɓɛ

³⁰ Wɛlikɛmąą kɛɛ kaa, a nu kwəinɛ̨ɛ̨ kpɔ kpąąn, wɛlɛɛ nɛ̨ɛ̨, yɛ nu hvaŋąlɔ.

Bible

³⁰ Núu ɣɛ́lɛɛ-nuu ŋɛ́i a núu líi làa, tuŋ lɛ́lɛɛ kɛ́ pà a lii-laa.

Hanwon 15:30 ပူးပေါင်းရင်းမြစ်များ

Ɛsdrasə 9:8

Kɛlaa, yiihu, ɉu hvo nii kwɛa li, Yai-Laa kuɔ Yálá aa ku kpəli lɛɛ a vúlu, aa ku heei tɛɛ ku pɔ nwɔ kɛɛnąą maahɛɠɛɛ ɓa. Ku wɔ Yálá, yaa ku ɲɛ̨i pɔ̨nɔ̨, yaa hvaŋą wolo tɛɛ ku pɔ, ku wɔ luwɔlaa hu.

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Hanwon 12:25

Liihɛlɛn a kɛ nu ɓa, a kpala, Kɛlaa woo lɛlɛ ɓoɔ nu ɓa a nįilɔ.

Hanwon 13:9

Tələnmo nuą di wɔ kɛɛ pɔ̨nɔ̨ a lən a ɲąą nɛ̨ɛ̨, Kɛlaa, nwąnąlɔ nuą di wɔ nwɔ̨n gaa pai luwun ɉii.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Hanwon 15:31

Nui a nwəli tɔɔ a nɛlɛɛ, malo liɛwoo ɓa, a ɉeei ɉɔlɔɓoi kilimąą nuą lɔwai.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Hanwon 25:25

Pələi yá laɠi a kwąną kpalamun níilaa la, bələ ɓə wɛlɛɛ nɛ̨ɛ̨i a həɠə kwɛa la, a gɛ la.

Hanwon 3:8

Yili ɓə a ə́ kɔ́lɔi pɔ̨nɔ̨, ɛlɛɛ, ə ə́ kɔ́wɠaa huwalawala.

Ikilisiati 11:7

Yələ ɓɔɔ kɛɛ pɔ̨nɔ̨ ɲąąnɛ̨ɛ̨i, ɛlɛɛ, nu kɛɛ a vulú ɲąąnɛ̨ɛ̨.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.