Hanwon 14:35 - Yálá laawoo hɛɓɛ (dc)

³⁵ Tɔɔmun a ɲɛ̨i lɛlɛɛ hee, tímun gili kaa ɲəi, mą. Kɛlaa, a ɲɛ̨i ɲɔ̨nwɔ̨ɔ̨ hee nui a nwumɛ̨ tɛ nu, bɔ.

Yálá laawoo hɛɓɛ

³⁵ Tɔɔmun a ɲɛ̨i lɛlɛɛ hee, tímun gili kaa ɲəi, mą. Kɛlaa, a ɲɛ̨i ɲɔ̨nwɔ̨ɔ̨ hee nui a nwumɛ̨ tɛ nu, bɔ.

Bible

³⁵ Yée-mu-nuu táreɛ a kâloŋ líi làa, kɛ́lɛ ƃoo yee-mu-nuu a ŋɔnuu-namui líi ŋwàna.

Hanwon 14:35 ပူးပေါင်းရင်းမြစ်များ

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Hanwon 10:5

Nui a pulu kɔnɔ̨n gwɛli a hvoló laa teɛ, a kɛ tii, kilimąą mun ni; nui a yíi a mɔ̨nun dee yələ, nu kpoloon ni.

Hanwon 14:34

Tələnmolaa a lɔi mąąwiɛ, Kɛlaa, nɛ̨ŋɛ̨n ə ɓo a lɔi mąą nwumɛ̨.

Hanwon 16:13

Tələnmo pələ ɓoɔ, a tɔɔɓɛlaa ɲɛ̨i lɛlɛɛ hee nu ɓa. Nuąi da mɛ̨nį ɓo a tɛ̨ą, di wɛli kaa tɔɔɓɛlaa diɛ.

Hanwon 17:2

Luwɔ mɛ̨nį hukpɛ kili kaa mą, a hee lon a nwumɛ̨ tɛ a gaa nuą, nwun na, da bɛlɛ́n nɛapɛlɛɛ, da kpɔn di bɛlɛ́n ɉɛnŋąą diɛ.

Hanwon 19:26

Nui a too nąn mɛ̨i, a gaalee kulɔ pɛlɛ́n, ə ɓáákulɔ gaa nuą diɛ.

Hanwon 20:26

Kilimąą tɔɔmun a nwąnąlɔ nuą hu taɠa di kee ɓa, yili pulu, ə di hutɔɔ ɉa.

Hanwon 20:8

Tɔɔmun a kɛ heeni nwɔ kiti tee kpəlin hu, a mɛ̨nį ɲɔ̨n gəlee kulɔ ɉu kɛ a ɲɛ̨ikɔw.

Hanwon 22:11

Nui wɛlikɛmąą woo kaa na, da kiliŋąhiɛ lɛlɛɛ, mąą nu ɓə nwɛli a too tɔɔmun ma.

Hanwon 25:5

Nwąnąlɔmun ɉəɠə tɔɔmun gwɛlɛ, nwɔ tɔɔlaai a hvilɛn gbilin tələnmo pələ mɛ̨i.

Hanwon 29:12

Ɲɛ̨itɔwɔmun a nwəli tɔɔ lɛɛ wooɠaa diɛ, nwɔ kalanɉonŋąą kəlee da ɲɔ̨nwɔ̨.

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Maafîu 25:23

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu gáá pai gáá pai ə́ heei mɛ̨nį kɛnɛ̨ɛ̨ nwun na; pa ə́ hee gwɛ́lɛ kwəinɛ̨ɛ̨ hu.›