Hanwon 14:16 - Yálá laawoo hɛɓɛ (dc)

¹⁶ Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Yálá laawoo hɛɓɛ

¹⁶ Kilimąą mun a ɲɔw mɛ̨nį ɲɔ̨n ma, yɛ mąąlaa. Kilikpɛɛɲəi mun nwɛi, a níiholi, ɲɔw hvo ɉu.

Bible

¹⁶ Táre-nuu a yâo sɔnyɔ̂ŋ ma é bôlu fé mì, kɛ́lɛ ƃoo-nuu fa mɛni maa kpɛ̂ɛ gɛ́ pili zu.

Hanwon 14:16 ပူးပေါင်းရင်းမြစ်များ

Zɛnɛse 33:9

Esau yɛ Ɉakɔbə ɓa: «Nə́ɠə, yii ɲə́i bɛliɛi mą́ą́, ə́ yee kɛ ə́ wɛi tii ɓa.»

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Tɔɔɓɛlaa dɔlɔɔ 19:2

Ɉezabɛlə ə nu ta tɔɔ Eli pɔ, yɛ mą: «'Li, yɛ́ Eli ɓa: ‹Ɉezabɛlə aa gwɛla a nwɔ haliɠaa kəlee laa, yɛ diɛ: «Tinąą, ɓɛlɔwai, mɛ̨nįi tii ə́ naa Baalə laa yəlikɛ nuąi diɛ, a da laa yɛ́.»›»

Tɔɔɓɛlaa dɔlɔɔ 20:18

Yɛ diɛ: «Akɛ di kaa pai gu lɔwai pɛli mɛ̨nį ɓa, ka di hon a di hvulú, akɛ nwɔ̨nɔ̨ di kaa pai kɔ́ kɛ mɛ̨nį ɓa, ka di hon a di hvulú.»

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Hanwon 1:32

Mąąhɔlɔɓo, nu lənɛɛ kili ɓa ɓə a nwun na pili, kilikpɛɛgwəilaa yɛ hupumąąmun baa.

Hanwon 14:15

Nui gili hva li kwɛa la, yii lɔpee da mo mą, a hvaa lɔ ma. Kɛlaa, nui a mɛ̨nį hu kpɛ, a hiɛ a gili.

Hanwon 14:17

Nui a níiholi ɉa, a ɓowo mɛ̨nį kɛ, lamąnąnmun yɛ gbɔwɔ wɛli kpɛɛ nuą diɛ.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Hanwon 29:9

Kilimąą mun, da kilikpɛɛgwəi mun da kɛ kili haɠa ɓa, gilimun ə nwąnąi pu-o, ə ɉon a yɔla-o, kilikpɛɛgwəi mun va ɲąą kaa.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Hanwon 7:22

Ɉulɔnui tii ə nɛɛ mą, ə hvilɛn bulu, yɛ nįŋɛ̨ a hvilɛn baamun bulu, diɛ li baai. Yɛ da yɛli too ɓowomun gɔwɔ kwąną, diɛ li dooi kpɔnɔ ɲą.

Ikilisiati 10:13

Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą;

Lonon mo 22:27

Ɉoohvaalən ə Yai-Laa nwɔ malakai kaa, ə pɛlɛ nɔi ɓa, Balaamə ə níiholi, yɛ gɛlɛ a gbɔn.

Ɉaan 9:40

Farisiɛ̨ɠaa tii kɛ gwɛlɛ, yii kɛa di nwoo tii mɛ̨n, diɛ Jesus ɓa: «Akɛti, kuɔ kpɛli mąn, ku kaa mɔ̨ɔ̨ ɲɛ̨ipu nuą?»

Tɛsalonikə dɔlɔɔ 5:22

'ká ká mąą kwɛa mɛ̨nį ɲɔ̨n ɉuwui lɔpee gəlee ɓa.