Hanwon 13:19 - Yálá laawoo hɛɓɛ (dc)

¹⁹ Nu liiɓa hɛn a həli mą, ŋąą a nɛ̨ɛ̨ mą. Kilikpɛɛgwəi nuą pulu tɔɔi mɛ̨nį ɲɔ̨n ma, gaa diɛ a mɛ̨nį nwąnąą kɛnɛ̨.

Yálá laawoo hɛɓɛ

¹⁹ Nu liiɓa hɛn a həli mą, ŋąą a nɛ̨ɛ̨ mą. Kilikpɛɛgwəi nuą pulu tɔɔi mɛ̨nį ɲɔ̨n ma, gaa diɛ a mɛ̨nį nwąnąą kɛnɛ̨.

Bible

¹⁹ Ƃa zɛŋ zɔlɔ ƃô ƃa ŋ̀wɛ̂lii, a ílii laa, kɛ́lɛ ŋwana-lɔ̂ɔ-nuu fa bôlu tɔ̀ɔ ŋɔsɔnyɔ̂ŋ ma.

Hanwon 13:19 ပူးပေါင်းရင်းမြစ်များ

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 37:27

'Hvó kɛ ə́ kaa mɛ̨nį ɲɔ̨n gɛi, mɛ̨nį lɛlɛɛ kɛ; akɛtii, yá ə́ heei hɔlɔɓo a yələ kəlee mɛ̨nį.

Hanwon 13:12

Hɛn nu líí laai mɛ̨i, da kɛi kuu hee ɉɔlɔɓo yələ ɓa, a ɲɔ̨n bɛlɛ nu líí ɓa. Kɛlaa, nu líí ɓa mɛ̨nį laa a hon, a kɛ yɛ yíipoo wulu.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 29:10

Nuąi ɲąmą pu wɛli kaa diɛ, kwəi kwɛləmun nwɛli hvo diɛ, Kɛlaa, nu haŋąąɠaa di wɛi, kwəi kwələmun mə da gwɛli.

Hanwon 29:27

Bələi lɔ nu ɲɔ̨nwɔ̨ɔ̨ wɛli kpɛɛ la tələnmo nuą diɛ, bələ lɔ ɓə tələnmomun nwɛli kpɛɛ la nwąnąlɔ nuą diɛ.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Wɛli 3:4

Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»