Hanwon 13:17 - Yálá laawoo hɛɓɛ (dc)

¹⁷ Wɛlɛɛ ɓomun ɲɔ̨nwɔ̨ɔ̨ a mɛ̨nį nwąnąą laa gbɔwɔ ɓa. Kɛlaa, wɛlɛɛ ɓomun nɛlɛɛ a nu ɓalo.

Yálá laawoo hɛɓɛ

¹⁷ Wɛlɛɛ ɓomun ɲɔ̨nwɔ̨ɔ̨ a mɛ̨nį nwąnąą laa gbɔwɔ ɓa. Kɛlaa, wɛlɛɛ ɓomun nɛlɛɛ a nu ɓalo.

Bible

¹⁷ Worɛ̂-woo ƃó-nuu nyii vé ŋɔtíi kɔ́lɔŋ a núu pìli mɛnîi, kɛ́lɛ ŋ̀orɛ̂-woo ƃó-nuui nyii ŋɔtíi kɔ́lɔŋ, a pâ a lii-see.

Hanwon 13:17 ပူးပေါင်းရင်းမြစ်များ

Hanwon 10:26

Bələi gaani-kponą a nu ɲin ɉon na, lulu yɛ lɔ la nu ɲɛ̨i, bələ ɓə hviɲɛ̨mun gɛ pələ kaa la nwun nąmu ɓa.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.

Hanwon 25:13

Yɛ bələi mɔ̨nun dɛɛi lɔwai kwɛlɛ kaa la, bələ lɔ ɓə wɛlɛɛ ɓomun nɛlɛɛ a nui dɔɔ níilaa la.

Hanwon 25:23

Hvaŋąi a tɛɛ yɛ tɛ, a tulɔ pu, bələ lɔ ɓə laamąąhiɛ a hvaa too la.

Hanwon 26:6

Nui a kilikpɛɛgwəi mun gɛ a nwɔ wɛlɛɛ ɓomun, a gbɔwɔ tɔɔ kɔ́wɔ kulɔ mu, ə gbɔwɔ lɔ laanɔ̨nwɔ̨ hu.

Ɉeremi 23:28

Yálá kwəi mɛ̨nį hukulɔ mun yii a hįį kaa, ə nwɔ hįį woo hukulɔ. Kɛlaa, yii ŋį́ mɛ̨nį ɓo mą, ə nwóó hukulɔ a ɉaŋąą. Yai-Laa woo ka, yɛ diɛ: «Akɛti, mɔ̨nun gɔw da gala di pɛliɛ mɔ̨ɔ̨?

Izikiɛ 3:18

Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Lonon mo 31:8

Hvo lɛɛ lɔ a yili, di Madian tɔɔɓɛlaa paa, diɛ ɓaa: Ewi, Rɛkɛmə, Surə, Hurə da Rɛva; Madian tɔɔɓɛlaa lɔɔli. Di Beɔrə lon Balaamə paa a ɓɔwa kwɛa.

Korɛntə dɔlɔɔ 4:2

Yaan, yii da ɉuhvɛli hɛn mɛ̨ikaamun ma, ya ɓaa, ə kɛ a dələnmoɔ.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 5:20

Yili ɓa, Kristə laa hu ɓə, ku kaa la ɓɛ lɔi mɛ̨i, a ɲɛ̨i kɔw, ɛlɛɛ, ku pɔ pələ ɓə Yálá a ká təli la. Kristə laa hu, ku kaa nɛ̨ɛ̨mąą hvəə káá, kuɔ, 'ká ká kpɔwɔ lɛɛ laa, di ká lɔwai ponnaa kulɔ, ká Yálá ni ká yee ə lɔ gee hu.

Timote dɔlɔɔ 1:12

Gáá gu Ną́mu Jesus Kristə mąmąɓoi, yai vaŋą tɛɛ bɔ́, ə gáá a nui mąąnɛ̨ɛ̨ ə gilitɔɔmą, ə ɉə́ɠə, ə gɛ́ a ŋą tímun,

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.