Hanwon 12:5 - Yálá laawoo hɛɓɛ (dc)

⁵ Mɛ̨nį lɛlɛɛ lɔ ɓə tələnmomun a giliŋąhiɛ mą, nwąnąlɔ nuą da di kiliŋąhiɛ lɔ nwąnąlɔ mɛ̨nį ɓa.

Yálá laawoo hɛɓɛ

⁵ Mɛ̨nį lɛlɛɛ lɔ ɓə tələnmomun a giliŋąhiɛ mą, nwąnąlɔ nuą da di kiliŋąhiɛ lɔ nwąnąlɔ mɛ̨nį ɓa.

Bible

⁵ Tɔ̃yâ-nuu ŋɔkili-ŋa sîai sãâi, kɛ́lɛ ŋwana-lɔ̂ɔ-nuu ŋɔlia-wooi káa nɔ́ a wôya-pere.

Hanwon 12:5 ပူးပေါင်းရင်းမြစ်များ

Mąątɛ̨nɛ̨ 119:15

Ŋą́ ə́ wɔ tíɓoɠaai nąą kili too gbɔ́ɔ́ ŋą a yələ kəlee, ɲɛ̨́i ə ɓo lɔ ə́ wɔ pələɠaai diɛ.

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Hanwon 11:23

Mɛ̨ni lɛlɛɛ lɔ ɓə tələnmo nuą da mąąkpɔn, nwąnąlɔnuą, líi holi ɓə a hee di tɔwɔ.

Hanwon 12:4

Nɛ̨ɛ̨nui ɉɔn və mą, gaa ɉilɛ nwuɔ̨ a tɔɔɓɔlɔ. Kɛlaa, nɛ̨ɛ̨nui gili hvo ɲəi, ə ɓo ɉilɛ ɓa a ɲin nwąną.

Hanwon 12:6

Nwąnąlɔ nuą hvaa woo kaa a nu paa hɛlɛn, Kɛlaa, tələnmo nuą laaləi ɓə a di kulɔ ɉu.

Hanwon 14:8

Kilimąą mun gwəi pələ, kili kɛ ɲəi laa, ɓaa: nu ə gbɔwɔ hiɛ pələ ɲɛlɛ kɛ. Kɛlaa, kilikpɛɛgwəi nuą di wɔ ɓowo laa a nu lan.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Ɉeremi 9:3

Nu kəlee ə gbɔwɔ mɛ̨i kaa mɛlan dɔwɔ. Ka hvo ka kili lɛɛ ka nąn non ma, mąąhɔlɔɓo, nąn non gəlee kaa gee ɓa a kɔ́. Nui ka yáá ka káá ka kee pɔ yɛ ə́ laa mąą hiɛ.

Ɉeremi 9:5

Hulu mɛ̨nį, too mɛ̨i, yili lɔ ɓə kɛa di yee pɔ, di hva kɛa tɛ̨ą ɓo, di hvo bɔ di hvo Yai-Laa kɔ́lɔn. Ɲą́ą́ Yai-Laa nwóó li.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Maafîu 26:4

Pələi mąąnɛ̨ɛ̨ di Jesus hon na loo hu di baa.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.