Hanwon 12:28 - Yálá laawoo hɛɓɛ (dc)

²⁸ Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Yálá laawoo hɛɓɛ

²⁸ Tələnmo pələ mɛ̨i ɓə yíipoo a hɔlɔɓo ɉu; bələ yili ɓə hva nu lɔ haa hu.

Bible

²⁸ Tɔ̃yâ-laa a pâ a fúlu-laa, ŋwana-lɔ̂ɔ kɛ́ pà a saa.

Hanwon 12:28 ပူးပေါင်းရင်းမြစ်များ

Hanwon 10:16

Tələnmomun gɛ koló a kpɔnmąą tɛɛ bɔ nwɔ yɛnɛ̨ɛ̨ hu, nwąnąlɔmun gɛ koló yɛ doo nɛ̨ŋɛ̨n ɉu.

Hanwon 10:2

Hɛn gɔwi nu a ɉɔlɔɓo a hvulu, hva ɓɛlɛ, Kɛlaa, tələnmolaa a nu kulɔ haa ɲəi.

Hanwon 11:19

Nuąi da li Nɛ̨ɛ̨nui tii pɔ, di hva di pulu pənə. Di hva yɛnɛ̨ɛ̨ kɛ pələ kaa.

Hanwon 8:35

Mąąhɔlɔɓo, nui a ɉɔ́lɔɓo, aa yɛnɛ̨ɛ̨ hɔlɔɓo, a gɛ tii, a Yai-Laa nwɔ mɛ̨inɛ̨ɛ̨ hɔlɔɓo.

Hanwon 9:11

Mąąhɔlɔɓo, ɲą́ą́ kili, ɉáálai ɓə ə́ wɔ yɛnɛ̨ɛ̨ hu a kwɛa la, ə́ wɔ kwɛlanŋaa diɛ tamą.

Ɉeremi 21:8

Yii ɓaa nuą ŋɛ̨i di wɛi, yá kɛ diɛ: «Yai-Laa woo ka, yɛ diɛ: Ka ka liiɓa həɠə: Ɓalo da haa di lɔwai.

Izikiɛ 18:9

yɛ nwɔ́ tiɓoɠaai pɔ hiɛ ɓo, yɛ nwɔ́ tɔ́n nwooɠaai hon, yɛ lɛɛ la tii tɛ̨ą pulu; tələnmomun ni, mąą nu kaa pai lɛɛi yɛnɛ̨ɛ̨; ɲą́ą́ Mɛ̨nį kəlee ŋą Hééɓomun Yálá, nwóó li.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Dutɛrɔnome 30:15

«Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.