Hanwon 10:28 - Yálá laawoo hɛɓɛ (dc)

²⁸ Tələnmo nuą kilitɔɔi kaa a kwəinɛ̨ɛ̨, Kɛlaa, nwąnąlɔ nuą di wɔ kilitɔɔi hva lamun.

Yálá laawoo hɛɓɛ

²⁸ Tələnmo nuą kilitɔɔi kaa a kwəinɛ̨ɛ̨, Kɛlaa, nwąnąlɔ nuą di wɔ kilitɔɔi hva lamun.

Bible

²⁸ Tɔ̃yâ-nuu ŋɔkili-kɛ-zui a pâ a lii-nɛ̃ɛ, kɛ́lɛ ŋwana-lɔ̂ɔ-nuu ŋɔkíli-kɛ-zui káa nɔ́ kpɛ́ni-kpɛni.

Hanwon 10:28 ပူးပေါင်းရင်းမြစ်များ

Zôo 11:20

Nu ɲɔ̨nwɔ̨ɔ̨ɠaa di wɛi, di ɲɛ̨i kaa pai paai. Di hva di mąąkilɛi hɔlɔɓo. Yii lɔ da di kilitɔɔ mą, ya ɓaa di haa mɛ̨nį.

Zôo 8:13

Nuąi da lɛ̨ą Yálá ɓa, di wɔ yɛnɛ̨ɛ̨ laa kulɔ pələ lɔ ka ti; ɓowo mun nwɔ kilitɔɔi hu a kala.

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Mąątɛ̨nɛ̨ 16:9

Yili mąą mɛ̨nį ɓa, níinɛ̨ɛ̨i gwəi, nį́i yɛ mąną, gbínį ə ɓo liilaa hu.

Mąątɛ̨nɛ̨ 68:4

Kɛlaa, tələnmonuą kaa kwəinɛ̨ɛ̨ hu, diɛ kwəinɛ̨ɛ̨ kulɔ Yálá líila, diɛ mąną a ɓə́lə́n.

Hanwon 11:23

Mɛ̨ni lɛlɛɛ lɔ ɓə tələnmo nuą da mąąkpɔn, nwąnąlɔnuą, líi holi ɓə a hee di tɔwɔ.

Hanwon 11:7

Ya ɓə a kpɔmąą tɛɛ nu haŋąą pɔ, gaa a nu haŋąą mąą kɔ́nwɔ mun.

Hanwon 14:32

Nwąnąlɔmun a too a nwɔ nwąnąlɔ kiliŋąhiɛ, Kɛlaa, tələnmomun nwɛi, ə mą kɛ haa yee kɔn ma, kilitɔɔi kaa ɲəi.

Hanwon 29:6

Ɓaalə kaa nwąnąlɔmun nwɔ nɛ̨ŋɛ̨n ɉu. Kɛlaa tələnmomun nwɛi, a pili yələi a kwəinɛ̨ɛ̨.

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,