Hanwon 10:25 - Yálá laawoo hɛɓɛ (dc)

²⁵ Kili-kili mɛ̨nį a kulɔ, nwąnąlɔmun mə a lɛɛ ɉu, Kɛlaa, tələnmomun nwɛi, a lɛɛ tɔɔni gbilin a yələ kəlee.

Yálá laawoo hɛɓɛ

²⁵ Kili-kili mɛ̨nį a kulɔ, nwąnąlɔmun mə a lɛɛ ɉu, Kɛlaa, tələnmomun nwɛi, a lɛɛ tɔɔni gbilin a yələ kəlee.

Bible

²⁵ Fãa kɛ́tɛ à tɛ̀ɛ, a ŋ̀wana-lɔ̂ɔ-nuui tôo, kɛ́lɛ tɔ̃yâ-nuu a tɔɔ nɔ́ dɔɔ̂i.

Hanwon 10:25 ပူးပေါင်းရင်းမြစ်များ

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Zôo 20:8

Gaa pai kpɛɛi lɔ nuą ɲɛ̨i yɛ hį́i mɛ̨nį, Gbɛɛ ɓə kɛa pai ɲɛ̨i tɔɔi mą, gaa pai kɛi lii yɛ nu a kɛi hį́i kaa a kpinįi.

Zôo 21:18

Ya pa, da kɛ kɛi diɛ: «Di kaa yɛ kala kpala yii hvaŋą a ɉəɠə, yɛ mɔ̨nun galai hvaŋą a ɉu taɠa.»

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 58:9

'Di kɛ yɛ kwələn, yai nɛaya a kɛ lɔ yɛɛi ɉɔɔ, 'di hvo hvóló kaa, yɛ nɛ̨ɛ̨nu yəi kala-lon.

Hanwon 1:27

A ɲələi ɲɔw a pu la ka mɛ̨i, yɛ tulɔ hvaŋą, kpalo yɛ ɓɛla kaa yɛ ɉigilin, a ɲələi ka kwiɛn na a mɔ̨nɔ̨ da liikələn gwəi.

Hanwon 10:30

Tələnmomun hva tɔɔ takpa-takpa, Kɛlaa, nwąnąlɔ nuą di hva di heei hɔlɔɓo nɔi.

Hanwon 12:3

Nwąnąlɔ hva nu kɛ a tɔɔmun, Kɛlaa, hɛn lɔpee ta hva kɛ tələnmo nuą hamu ɓa.

Hanwon 12:7

Nwąnąlɔ nuą da too, di toɔ kəlee li. Tələnmo nuą di wɔ pɛ́lɛ́i a lɛɛ tɔɔni a yələ kəlee.

Azaya 40:24

Da lɛɛ lɔ heei, da lɛɛ lɔ di kɔwɔ hvilɛn ɉi, di wɔ tɔɔlaai ɉamu hva kpɛli hvilɛn, A nɔ̨ɔ̨ pu lɔ diɛ, daa mą kpala, tulɔ hvaŋą yɛ li a diɛ yɛ kala kpala.

Maafîu 16:18

Gáá tɛ̨ą ɓoi yɛ́, ə́ laa ɓaa a Piɛrə. Gwɛnii tii mɛ̨i ɓə gáá pai nwɔ́ nu kpului ŋąąkpɔn ɉii laa. Haa yee hvə pai pɛli mą.

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Timote dɔlɔɔ 6:19

Da kɛli gɛ ti, di kaa hɛn gɔw kpɔn ɉii gee ɓa a di kpɔwɔ nwɔɔ tínąą, diɛ pɛli ɓalo hva kpɛɛ hɔlɔɓoi la.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»